هەواڵێن سەرەکی

رۆما – ئیتالیا

​د چارچۆڤێ چالاکیا حەفتیا مەشق و راهێنانێن پرۆژێ #RISE دا ئەوا ب پشکداریا زانکۆیێن هەرێما کوردستانێ وەک زانکۆیا پۆلیتەکنیک دهۆک، زانکۆیا ئاکرێ بۆ زانستێن کرداری، زانکۆیا دهۆکێ، زانکۆیا زاخۆ، زانکۆیا پۆلیتەکنیکی یا هەولێرێ، زانکۆیا پۆلیتەکنیکی یا سلێمانیێ، و زانکۆیا گەرمیان،ب هەماهەنگی دگەل زانکۆیامۆرسیا یا ئیسپانی، ل باژێرێ رۆما هاتیە برێڤەبرن و درۆژا سێ یێ دا چەوانیا ڤەگوهاستنا "نیڤدەولەتیبوونا زانکۆیان" بۆ کردارەکا بەرجەستە و گشتگیر کو قوتابی ل ناڤەندا وێ بیت بۆ ئامادەبۆیان دا دیارکرن.

​د دەسپێکا رۆژێ دا دانوستان ل دور بابەتێن سەرەکی و سمینارێن زانستی هاتە کرن و دوو روینشتن ژ لایێ ئێکەتیا زانکۆیێن دەریایا سپی UNIMED هاتنە پێشکەشکرن و تەکەزی لسەر ​نیڤدەولەتیبوون ل ناڤخۆ (Internationalisation at Home)، ژلایێ ئان لۆرێنس پاستۆرینی، رێڤەبەرا بلند یا پرۆژەیان، کو تێدا باس ل گرنگیا ئاڤاکرنا دیدەگەهێن نێڤدەولەتی دناڤ پڕۆسەیا فێرکرنا رۆژانە دا هاتە کرن، و هەروەسا ​بەردەوامی وەک دەلیڤەکا جیهانی ژ لایێ ناتالی کلاوتەر، رێڤەبەرا بلند یا پرۆژەیان، هاتە پێشکێشکرن کو تێدا تیشک خستە سەر رۆلێ نێڤدەولەتیبوونا ئەکادیمی وەک دەلیڤەک بۆ گەهشتن ب ئارمانجێن گەشەپێدانا بەردەوام.

هەروەسا ​ئەزموونێن کرداری ل زانکۆیا UNINT ​ل پشکا دووێ یا رۆژێ ستافێ زانکۆیا نیڤدەولەتی یا رۆما UNINT چەندین نموونێن سەرکەفتی یێن کارگێری و ئەکادیمی پێشکێشکرن وەک ناساندنا باوەرنامان، و ژلایەکێ دیڤە لۆچیانۆ نێدو, جێگرێ سەرۆکێ زانکۆیێ بۆ پەیوەندیێن نێڤدەولەتی، باس ل رێکارێن دادپەروەر و شەفاف بۆ نیاسینا ئەزموونێن فێربوونێ کر.

ژلایەگێ دیڤە ​فێدریکا دی ماتیۆ پشتەڤانیا قوتابیان و بەرنامێ Buddy ل دۆر گرنگیا ڤی بەرنامەی بۆ تێکەلبوون و هاریکاریکرنا قوتابیان و فێربوونا وان ژ ئێک و دو ئاخفت. و هەروەسا دگەشەپێدانا شیانێن زمانی دا (جولیا دی ڤیتۆ) ئاماژە ب هندێ کر کو زمان کلیلەکە بۆ پشکداریکرنێ د دەلیڤەیێن نێڤدەولەتی دا.

ل دور ​گرێدانا زانکۆیێ ب بازاڕێ کاری ڤە شاندێن زانکۆیێن پشکدار کۆمبوونەک دگەل سەنتەرێ گەشەپێدانا کارای (CDC) ئەنجام دا، کو تێدا مانوێلا کۆستا, ئەو چەندە دیار کڕ کا چەوا زانکۆ قوتابیان بۆ بازاڕێ کاری بەرهەڤدکەت بۆ پەیداکرنا دەلیڤەیێن کارێ گونجای، و لدووماهیێ ​بۆ زێدەتر ناسینا کەلتوورێ ئیتالیا، پشکدارێن خولێ سەرەدانا کەنیسەیا St. Peter's Basilica ل دلێ رۆما کرن، کو وەک کێلیەکا کەلتووری و دیرۆکی یا گرنگ دهێتە هەژمارتن.

​