هەواڵێن سەرەکی

ل روژا پێنچ شەمبی رێکەفتی ٩/٧/٢٠٢٦ کار و چالاکییێن روژا دووێ و دوماهیێ ژ دووەمین کۆنفرانسێ نیڤدەولەتی یێ ڤەکولینێن کرداری، جڤاکی و مرۆڤایەتی ب سەرکەفتیانە بڕێڤەچون ئەوێ هاتیە ئەنجامدان ل ژێر چاڤدێریا سەروکا زانکویا پولیتەکنیکی یا دهوک پ.د. ئاری عادل, و ب ئامادەبونا پ. هـ. د. یەمان سام شەریف، هاریکارێ سەرۆکا زانکۆیێ بۆ کاروبارێن زانستی و خواندنا بلند و ب سەرپەرشتیا راگرێ کولیژا تەکنیکی یا کارگێری پ.ھ.د. نەوزاد رجب زبیر، ب هەڤپشکیا کومەکا زانکو و ناڤەندێن ئەکادیمی لسەر ئاستێ کوردستانێ و عیراقێ.

د پشکا ئێکێ یا روژا دووێ دا چەندین سمینارێن زانستی ل چوار هوڵێن کولیژێ ب پشکداریا کومەکا ماموستا وڤەکولەران هاتنە گوتن ب شێوازێن ئامادەبویی و ئونلاین.

د پشکا دووێ دا دگەل دەستپێکرنا رێورەسمان، پەیڤا بدوماهی ئینانا کونفرانسی ژ لایێ رێڤەبەرێ سەنتەرێ عەرەبی یێ دیموکراتی ل عیراقێ پ.ھ.د.علی عبودی ڤە هاتە گوتن و راسپاردە و پێشنیارێن زانستی یێن کونفرانسی هاتنە خواندن.

و د دیڤدا دەست ب دابەشکرنا خەلاتێن رێزلێنانێ هاتە کرن و هاتنە پێشکێشکرن بو ئەندامێن لیژنێن(رێکخستن و پێشوازی و راگەهاندن) و کەس و لایەنێن هاریکار و پشتەڤان ژبو بڕێڤەبرنا ڤی کونفرانسی ب باشترین شێوە وەکو رێزگرتن ل زەحمەت و ماندیبونا وان.

ب ڤی شێوەی کونفرانس ب مەرەم و ئارمانێجێن خو یێن زانستی گەهشت و دەرگەهەکێ دی بو ڤەکولینێ لسەر رولێ زانکویێن زیرەک د گەشەپێدانا بەردەوام دا ڤەکر.