هەواڵێن سەرەکی

۲۱/٢/ ٢٠٢٦

​د دەستکەفتەکێ نوو یێ زانستی دا، قوتابیێن زانکۆیا پۆلیتەکنیکی یا دهۆکێ ب سەرپەرشتیا پ. هـ. د. مەند کەمال عەسکەر، ب فەرمی هاتنە هەلبژارتن وەک وەرگرێن خەلاتێ "باشترین لقی قوتابیان یێ بەرچاڤ" (Outstanding Student Chapter Award)بۆ سالا ۲۰۲٥، کو ژ لایێ پەیمانگەها کۆنکریتێ یا ئەمریکی (American Concrete Institute - ACI) ڤە دهێتە بەخشین.

​ئەڤ دەستکەفتە پشتی وێ چەندێ هات کو لقا قوتابیان ل زانکۆیا پۆلیتەکنیکی یا دهۆکێ شیا هەمی مەرج و پیڤەرێن نێڤدەولەتی یێن پەیمانگەها ناڤبری جێبەجێ بکەت، ب رێکا ئەنجامدانا چالاکیێن زانستی، سمینار و گەشەپێدانا ئاستێ نیشتیمانی و جیهانی د بوارێ ئەندازیاریا کۆنکریتێ دا.

​خالێن سەرەکی یێن ڤی دەستکەفتی، ​دانپێدانا نێڤدەولەتی زانکۆیا پۆلیتەکنیکی یا دهۆکێ ئێخستە د ناڤ لیستا زانکۆیێن هەرە پێشەنگ دا ل سەر ئاستێ جیهانێ، هەروەسا ژلایێ ​پێشخستنا ئاستێ زانستی ڤە ئەڤ خەلاتە نیشانا وێ چەندێ یە کو لقا قوتابیان ل زانکۆیێ د ئاستەکێ بلند یێ داهێنان و کارێ ئەکادیمی دایە. و ژلایەکێ دیڤە دێ زانکۆیا پۆلیتەکنیکی یا دهۆکێ هەڤرکیێ ل گەل چەندین زانکۆیێن ناڤدارێن ئەمریکی و جیهانی کەت ئەوێن دهەمان لیستێ دا هاتینە خەلاتکرن.

​ب ڤێ هەلکەفتێ، سەرۆکاتیا زانکۆیا پۆلیتەکنیکی یا دهۆکێ پیرۆزباهیێ ل قوتابی و مامۆستایێن پشکدار د ڤێ سەرکەفتنێ دا دکەت و رولێ گرنگێ هەر ئێک ژ پ. هـ. د. یەمان سامی شریف، هاریکارێ سەرۆکا زانکۆیێ بۆ کاروبارێت زانستی و خواندنا بلند، هەروەسا پ. هـ. د. مزگین سیسن، راگرێ کولیژا تەکنیکی ئەندازیاری، بلند دنرخینیت و پێخەمەت رژدبونا کارێ وان دگەل پەیمانگەها نافهاتی ئەف دەستکەفتە هاتیە پێش ژبۆ ڤێ پێشڤەچوونێ ب هنگاڤەکا گرنگ دبینیت بۆ بلندکرنا ناڤێ زانکۆیێ د ناڤەندێن زانستی یێن جیهانی دا.