هەواڵێن سەرەکی

لژێر چاڤدێریا پ. د. ئاری عادل، سەرۆکا زانکۆیا پۆلیتەکنیکی یا دهۆک نڤیسینگەها راوێژکاری کارگێری و یاسای وئابووری خولەکا راهێنانێ یا سێ روژی بۆ 13بەرپرسێن راگەهاندنێن کولیژ و پەیمانگەهێن زانکۆیا پۆلیتەکنیک و زانکۆیا زاخۆ ل هۆلا سمیناران یا زانکۆیا پۆلیتەکنیک دهۆک دەسپێکر.

ب ئامادەبۆنا پ.هـ.د. یەمان سامی شەریف، هاریکارێ سەرۆکا زانکۆیێ بۆ کارۆبارێن زانستی و خواندنا بلند، و د. محسن حسن، رێڤەبەرێ نڤیسینگەها راوێژکاری کارگێری و یاسای وئابووری، ئەڤرۆ رۆژا ئێکێ یا خولا مەشق و راهێنانێ یا تایبەت ب

"پرۆگرامێ بەرهەمهێنانا ناڤەرۆکا راگەهاندنا زانکۆیی ب شێوەکێ پرۆفیشناڵ" د پەیڤا دەستپێکرنا خولێ دا د. یەمانی سامی دپەیڤەکێ دا تەکەزی لسەر موکمکرنا پەیوەندیان و هەماهەنگیا زانکۆیان و کارێن هەفپشک کڕ پێخەمەت وێ چەندێ ب شێوەیەکێ باشتر و پروفیشینال، کارۆچالاکیێن زانکۆیان لسەر مالپەرێن زانکۆیان بهێنە بەلاڤکرن، و ژلایەکێ دیڤە رێڤەبەرێ نڤیسینگەها راوێژکاری ئەڤ خولە بۆ پشکدارێن خولێ ب دەلیڤەکا زێرین دا دیارکرن، دیڤدا رۆژا ئێکێ یا خولێ ب دوو تەوەرێن سەرەکی شێوێ تیوری و پراکتیکی دەستپێکر، و دتەوەرێ ئێکێ یێ رۆژا ئێکێ دا چەندین بابەتێن گرنگ ژلایێ م.سرکفت رشید، رێڤەبەرێ راگەهاندنا زانکۆیا پۆلیتەکنیک دهۆک ڤە هاتنە پێشکەشکرن، کۆ پێک دهاتن ژ "شارەزایی یان بەرهەمهێنانا ناڤەرۆکی، چاوانیا نڤیسینا نوچەیان، و چەوانیا گوهۆڕینا چالاکیان بۆ چیروکان (Storytelling)"،

و دتەوەرێ دوێ یێ روژا ئێکێ دا مارکێتینکا دیجیتاڵی، ژلایێ ماموستا "عبید صبحی" ڤە هاتە پێشکێشکرن، وتەکەزی ل سەر رێبەرێ پلاتفۆرمێن تۆرێن جڤاکیێن زانکۆیێ و چەوانیا گەهشتنا وان ب رەنگەکێ دروست بۆ تەخێن ئارمانجکری (قوتابی، دەرچووی، جڤاک) هاتە کرن.

​بڕیارە ئەڤ خولە بۆ دەمێ دوو رۆژێن دی یا بەردەوام بیت، و هێتە چاڤەرێکرن د​رۆژا دویێ دا "رۆژنامەڤانی دیجیتاڵی و وێنەگرتن و مۆنتێنەر، ل هۆلا وۆرکشۆپان بهێنە پێشکێشکرن، و د ​رۆژا سێیێ دا دێ چاوانیا برێڤەبرنا ستۆدیۆیا پۆدکاستێ و پێشکێشکاری پۆدکاستێ ژلایێ ماموستایێن بسپۆر ڤە هێنە پێشکێشکرن.