هەواڵێن سەرەکی

نوینەرێ زانکۆیا پۆلیتەکنیک دهۆک ​ماموستایێ هاریکار "سەميان ئومێد خاليد" سەرۆکێ پشکا ميکانيک و وزەيا رۆژێ ل پەيمانگه‌ها تەکنیکی یا دهۆک، پشکدارى د وۆرکشۆپا تايبەتمەندی یا بناڤێ " کارێ بسپوریا شيانێن کەسک ل کوردستانا عیراق"ێ دا کڕ، ئەوا ژ لایێ رێکخراوا کارا نێڤدەولەتی (ILO) ڤە ب پشتەڤانيا ئاژانسا ئەلمانى و ب هەڤکاريا نێڤدەولەتى (GIZ) و ب سپۆنسەریا وەزارەتا هەڤکاريا ئابۆری و گەشەپێدانا ئەلمانی (BMZ) ل هەولێرێ هاتیە رێکخستن.

​

ئەڤ ​وۆرکشۆپە بۆ دەمێ سێ رۆژان هەر ژ رێککەفتی 24/11/2025 هەتا 27/11/2025 ب پشکداريا ژمارەکا شارەزایێن نێڤدەولەتى و نوونەرێن رێڤەبەريێن راهێنانا پيشەیى، پەيمانگه‌هێن تەکنیکى، دام و دەزگەهێن حکومى، و کەرتێ تايبەت هاتە ئەنجامدان، و ​ئارمانج ژ ئەڤێ وۆرکشۆپێ شلوڤەکرنا بارێ راستەقينە يێ شيانێن کەسک بوو ئەوێن د بازارێ کارى دا پێدڤينە کو ل گۆڕه‌ى سێکتەرێن ب ئابۆريا کەسک ڤە گرێداى، وەک: وزەيا نويکری، ب رێڤەبرنا پاشماوەیان، چاندنا زيرەک، و کارێن هونەری يێن بەردەوام.

د روینشتنێن وۆرکشۆپێ دا تەکەزی لسەر رولێ گرنگێ پشکان هاتە کرن کو پشکێن تەکنیکی و ئەندازيارى و رێڤەبەريێن راهێنانا پيشەیى دشێن بگێڕن دباورێ بهێزکرنا گەنجان دا، و گەشەپێدانا شيانێن وان يێن هونەرى، و گونجاندنا راهێنان و خواندنێ دگەل پێدڤيێن کەرتێ تايبەت، کو بشێن دەلیڤێن کاری د بوارێن وزەيا پاقژدا ب هێز ببیت.

​گرنگترين دەرئەنجامێن وۆرکشۆپێ:-

• ​ديارکرنا کێماسيێن شيانان د سێکتەرێن کەسک دا و پێدڤيێن بازارێ کارى يێن نوکە.
• پێشنيازکرنا راسپاردان بۆ گەشەپێدانا پڕۆگرامێن راهێنانێ و زێدەکرنا لایەنێ کرداری (پراکتیکی) د ناڤ پەيمانگه‌هێن تەکنیکی دا.
• بهێزکرنا هەڤبەندیێ د ناڤبەرا دام و دەزگەهێن خواندنێ و کەرتێ تايبەت دا بۆ دابينکرنا راهێنان و دەليڤێن ب کارخستنێ يێن راستەقينە بۆ گەنجان