هەواڵێن سەرەکی

ب ئامادەبوونا ماموستا هوگر ئەنوەر، جێگرێ راگرێ پەیمانگەها تەکنیکی دهۆک و ب سەەرپەرشتیا م. سمیان ئومێد، سەرۆکێ پشکا میکانیک و وزەیا ڕۆژێ، ڕێوڕەسمێن دوماهیك هاتنا خولا راهێنانێ یا تایبەت ب "دیزاینا ئەندازیاری و چاپکرنا سێ ئالی “(3D Printing) هاتنە ئەنجامدان و ل دەستپێکێ ڕێز و سوپاسی ل مامۆستایێن خولێ (حاتم ابراهیم، سیپل محمد نظیف) هاتە کرن بۆ پێشکەشکرنا وانەیێن تیۆری و پراکتیکی. هەروەسا دەستخۆشی ل قوتابی و بەشداربوویان هاتە کرن بۆ پێگیری و مفاوەرگرتنا وان، و ل دوماهیێ بڕوانامێن بەشداریپێکرن و دەرچوونێ لسەر پشکدارێن خولێ هاتنە بەلاڤکرن.

​ئەڤ خولە بۆ کارمەندێن ک ۆلێژا ئەندازیاری – پشکا میکانیک ل زانکۆیا زاخۆ هاتبوو ڕێکخستن و پێنج ڕۆژ ڤەکێشابوو ( ٦-١٠/ ٩/ ٢٠٢٦) کو سەرجەمێ وان (15) دەمژمێرێن راهێنانێ بوون ب مەرەما بهێزکرنا هەڤکاریا ئەکادیمی و ئاڵۆگۆڕکرنا سەربۆران د ناڤبەرا هەردوو دەزگەهان دا، و دئەڤێ خولێ دا تەکەزی لسەر دیزاین و مۆدێلسازییا ئەندازیاری ب ڕێکا پرۆگرامێ SOLIDWORKS و جێبەجێکرنا وێ د چاپکرنا سێ ئالی دا هاتبو کرن، دا کو شیانێن دیزاینا دیجیتالی ب تەکنۆلۆژیایا هەڤچەرخ یا دروستکرنێ ڤە بهێنە گرێدان.