هەواڵێن سەرەکی

زانکۆیا پۆلیتەکنیک دهۆک ب هەڤکاری و هەڤپشکی دگەل زانکۆیا زاخۆ

"شەشەمین کۆنفرانسێ نێڤدەولەتی یێ زانست و ئەندازیاریا پێشکەفتی" (ICOASE2027) ڕادگەهینن.

لژێر چاڤدێری و​ سەرپەرشتیا پ. د. ئاری عادل، سەرۆکا زانکۆیا پۆلیتەکنیکی یا دهۆکێ و پ. د. دیار عبدالکریم سعید، سەرۆکێ زانکۆیا زاخۆ، و ب سەرۆکایەتیا پ. د. یەمان سامی شەریف ژ زانکۆیا پۆلیتەکنیکی یا دهۆکێ و پ. هـ. د. جاسم محەمەد عەبدۆ ژ زانکۆیا زاخۆ ئەڤرۆ ئێکەم کومبونا بەرهەڤیێن کونفرانسی لسەرۆکاتیا زانکۆیا پۆلیتەکنیک دهۆک هاتە ئەنجامدان.

ئەڤ کۆنفرانسێ زانستی یێ ئاستبلند دێ ل ڕێکەفتی ٤ تا ٥ێ گولانا ٢٠٢٧ێ ل هەردوو باژێرێن دهۆک و زاخۆ ب شێوازێ ئامادەبوونا ڕاستەوخۆ (In-person) و هەروەسا ب شێوازێ ئۆنلاین/تێکەل (Hybrid) و ب پشکداریا چەندین پڕۆفیسۆر، ئاخفتنکەرێن سەرەکی یێن نێڤدەولەتی (وەک پ. د. مەحمود عەبدولعەتی و پ.د. حسێن قەییم) و لیژنەیەکا بەرفرەهـ یا زانستی یا ناڤخۆیی و جیهانی هێتە ئەنجامدان.

​گرنگیا ئەکادیمی و ئارمانجێن کۆنفرانسێ زنجیرە کۆنفرانسێن ICOASE وەکو ئێک ژ گرنگترین سەکۆیێن زانستی ل دەڤەرێ دهێنە هەژمارتن، کو ژ سالا ٢٠١٨ێ وەرە پێنج خولێن سەرکەفتی ل دویڤ ئێک ئەنجامداینە. ئارمانجا سەرەکی یا ڤی کۆنفرانسی کۆمکرنا ئەکادیمی، ڤەکۆلەر و قوتابیێن خواندنا بلندە ل سەرانسەری جیهانێ بۆ گەنگەشەکرنا بابەتێن تیۆری و پراکتیکی، و بەلاڤکرنا نویترین داهێنان و چارەسەریێن زانستی یێن گرێدایی ئاستەنگێن جیهانا ئەڤرۆ د بوارێن زانست و ئەندازیاریێ دا.

دئەڤی کونفرانسی دا دێ پێشوازی ل ڤەکۆلینێن ڕەسەن و نەبەلاڤکری هێتە کرن کو دگەل تەوەرێن کۆنفرانسێ بگونجن، ژ وان ژی:

​تەکنەلۆجیایێن زانیاری و کۆمپیوتەری: ژیرییا دەستکرد، ئاساییشا زانیاریان و ئینتەرنێتێ.

​زانستێن پەتی و کارپێکری: بیرکاری و ئامار، شیکاریا ژمارەیی، کیمیا، فیزیک.

​ئەندازیاریا کارەبا و کۆمپیوتەری: سیستەمێن چەسپاندی، وزەیا نویبوی، پەیوەندیێن بێ تێل، و پرۆسێسکرنا سیگنالان.

​ئەندازیاریا شارستانی: ئەندازیاریا پێکهاتەیی، ژینگەهێ، ئاڤێ، و بیڤەلەرزە.

​ئەندازیاریا میکانیک، پیشەسازی و پەترۆلێ: کۆنترۆلکرنا جۆری، دیزاینا ئامیران، ئەندازیاریا کەرەستان.

​زانستێن سروشتی و ژینگەهی: پیسبوون، مایکرۆبایۆلۆجی، بۆماوەزانی، و زانستێن کەشوهەوای.

​ئاستێ زانستی و دەلیڤەیێن بەلاڤکرنێ : هەمی ڤەکۆلینێن دهێنە پێشکێشکرن دێ بنە بابەتی هەلسەنگاندنەکا هویر یا زانستی ب شێوازێ (Double-blind peer review) ژلایێ لژنەیێن زانستی ڤە. بڕیارا وەرگرتنا ڤەکۆلینان ل سەر بنەمایێ ڕەسەنایەتی، کویراتیا زانستی و گونجانا وان دگەل تەوەرێن کۆنفرانسێ دهێتە دان.

ڤەکۆلینێن پەسەندکری دێ د ڤان گۆڤاران دا هێنە بەلاڤکرن و ئیندێکسکرن:

​کۆڤارا زانستی یا زانکۆیا زاخۆ (SJUOZ)

​کۆڤارا داسینیا بۆ ئەندازیاری و ئینفۆرماتیک (DPU)

​هەروەسا چەندین ژێدەر و گۆڤارێن دی یێن نێڤدەولەتی کو دێ پاشتر هێنە ڕاگەهاندن.

​ژڤانێن گرنگ:

​دوماهی ژڤان بۆ پێشکێشکرنا ڤەکۆلینان (Full-Text): ١ێ شوباتا ٢٠٢٧

​ڕاگەهاندنا ئەنجامێن پەسەندکرنێ: ١ێ نیسانا ٢٠٢٧

​دوماهی ژڤان بۆ خۆتۆمارکرنێ (Registration): ٢٠ێ نیسانا ٢٠٢٧

​پەیوەندی و پێزانینێن زێدەتر:

بۆ پێشکێشکرنا ڤەکۆلینان ب ڕێکا سیستەمێ EDAS و بدەستڤەئینانا زانیاریێن زێدەتر ل سەر شێوازێ خۆتۆمارکرنێ و کرێیا پشکداریکردنێ، هیڤیدارین پەیوەندیێ ب لیژنەیا ئامادەکار بکەن ب ڕێکا:

​ئیمەیل: [email protected] | [email protected]

​تەلەفۆن: 07504503329 | 07504739502 | 07504987542

​جهێ کۆنفرانسێ: هۆلا کۆلێژا زانست – زانکۆیا زاخۆ

(ناونیشان: 61 ڕێکا زاخۆ، تاخێ مازی، دهۆک).

​تێبینی: هەر ڤەکۆلینەکا بهێتە پەسەندکرن و ژلایێ ڤەکۆلەری ڤە ل کۆنفرانسێ نەهێتە پێشکێشکرن، دێ ژ پرۆسەیا بەلاڤکرنا کۆڤاران هێتە دوورخستن.