هەواڵێن سەرەکی

دهۆک

​پێخەمەت موکمکرنا پەیوەندیێن زانستی و بەرفرەهکرنا ئاستێ هەڤکارییا ئەکادیمی، بەرێز پ. د. ئــاری عــادل، سەرۆکا زانکۆیا پۆلیتەکنیک دهۆک، لسەرۆکاتیا زانکۆیێ ل ریکەفتی 19/8/2026 پێشوازی ل بەرێز پ. د. فەواز ئەلزەغلول، سەرۆکێ جڤاتا عەرەبی بۆ ڕاهێنان و داھێنانا قوتابیان و شاندێ یاوەر کڕ.

​د ڤێ دیداری دا، ب ئامادەبونا پ. هـ. د. نوزت صادق، هاریکارێ سەرۆکا زانکۆیێ بۆ کاروبارێن قوتابیان، هەر ئێک ژ رێڤەبەرێ پەیوەندیێن زانکۆیێ وسەنتەرێ گەشەپێدانا کاری، دانوستاندن لسەر خورتکرنا پەیوەندیێن زانکۆیا پۆلیتەکنیک دهۆک وەک ئەندامەکا چالاک د جڤاتێ دا هاتە کرن، ب مەبەستا پشتبەستنێ لسەر چالاکی و پرۆژەیێن قوتابیان.

ژلایەکێ دیڤە ئامادەبویان چەند ​تەوەرێن گرنگ بەحسکرن کۆ پێک هاتن ژ:

• دەلیڤەیێن مەشقا هاڤینێ: ئاسانکاریکرن بۆ ڕەوانەکرنا قوتابیێن پنج کۆلیژ و شەس پەیمانگەهێن تەکنیکی یێن سەر ب زانکۆیێ ڤە ب مەرەما ئەنجامدانا مەشقا هاڤینێ ل وەلاتێن عەرەبی، و هەروەسا ​پشکداریکرن د هەڤرکیان دا تەوەرەکی دی یێ ئەڤێ روینشتنێ بوو پێخەمەت
• پرۆژە و هەڤرکیێن قوتابیان: ڕەخساندنا دەلیڤەیان بۆ قوتابیان دا کۆ ب پرۆژەیێن خۆ ئامادەببن و هەڤرکیێ دگەل قوتابیێن زانکۆیێن بیانی بکەن.
• ​خولێن ڕاهێنانێ یێن ئۆنلاین: ڕێکخستنا خولێن راهێنانێ یێن درێژخایەن و کورتخایەن یێن سەرهێل (ئۆنلاین) ژ بۆ بڵندکرنا ئاستێ ئەکادیمی و ئاڵوگۆڕا کەلتوری نێڤبەرا قوتابیان دا.
• پرۆژەیێن هەڤپشک: و ل دوماهیێ ​پێشئێخستنا پرۆژەیێن هەڤپشک هاتە بەحسکرن.