هەواڵێن سەرەکی

دهۆك – ئامێدی

​ل ژێر درووشمێ

"پێشخستنا رێكێن هەڤگرتی بەرەف پاشەرۆژەكا بەردەوام و کێمکرنا گازێن زیانبەخش"،

ئەڤرۆ ڕۆژا سێشەمبی ئێکەمین کۆمبوونا بەرهەڤیان ل پەیمانگەها تەکنیکی یا ئامێدیێ سەر ب زانکۆیا پۆلیتەکنیکی یا دهۆک ڤە هاتە ئەنجامدان، بەرهەڤی بۆ ئاسازکرنا ئێکەمین کۆنفرانسێ نێڤدەولەتی یێ کێمکرنا کاریگەریا گوهۆرینا کەشوهەوا، وزە و بەردەوامیێ (ICCMES 2026).

​کۆمبوون ب ئامادەبوونا پ. هـ. د. یەمان سامی شەریف، هاریکارێ سەرۆکا زانکۆیێ بۆ کاروبارێن زانستی و خواندنا بلندو ستافەکێ یاوەرێ وی بەڕێڤەچوو. ل دەستپێکێ، پ. هـ. د. احمد فتاح، راگرێ پەیمانگەها تەکنیکی یا ئامێدیێ سۆپاسیا سەرۆکاتیا زانکۆیێ کر بۆ گرنگیدانێ ب ئەڤی بابەتی.

​بڕیارە کۆنفرانس ل ڕۆژێن ٦ و ٧ ی تشرینا ئێکێ (١٠) یا ساڵا ٢٠٢٦ ل هۆلا کۆنفرانسان ل پەیمانگەها تەکنیکی یا ئامێدیێ ب شێوازێ ئاوێتە (مەیدانی و ئۆنلاین) بەڕێڤەبچیت.

​

ئارمانجێن سەرەکیێن کۆنفرانسی

​ئارمانجا سازکرنا ئەڤی کۆنفرانسی کۆمکرنا ڤەکۆلەر، سیاسەتمەدار، سەرکردەیێن پیشەسازی و بسپۆرانە دا کو:

- ​چارەسەریێن هەڤگرتی بۆ سیستەمێن وزێ، ژینگەهێ و خۆراگریا باژێران بکاربینن.

- ​ب رێکا ڤەکۆلین و داهێنانان، لایەنێ زانستی و پراکتیکی بگەهیننە ئێک بۆ گەهشتن ب پاشەرۆژەکا بەردەوام و کێمکرنا گازێن زیانبەخش.

​تەوەرێن سەرەکیێن کۆنفرانسی

​سیستەمێن وزێ: داهێنان د کەرتێ وزەیا نویبوی دا.

​پاراستنا ژینگەهێ: خۆراگریا باژێران ل هەمبەر گوهۆرینا کەشوهەوای.

سیاسەت و دارایی: دارشتنا سیاسەتێن ژینگەهێ و داراییا گرێدای ب کەشوهەوای.

پشکداریا جڤاکی: ئاڤاکرنا هۆشیاریێ بۆ پاشەرۆژەکا کەسک.

​داخوازیا پشکداریێ:

زانکۆیا پۆلیتەکنیکی یا دهۆک داخوازێ ژ هەمی ڤەکۆلەر و بسپۆران دکەت کو ب بەرهەمێن خۆ ئامادە بکەن و پشکدار ببن د ئەڤێ روودانا زانستی یا گرنگ دا.

​بۆ پتر پێزانینان و پەیوەندیێ:

​مالپەرێ کونفرانسی: iccmes2026.dpu.edu.krd

ئیمێل: [email protected]

​ژمارا پەیوەندیێ: 9647504833672+