هەواڵێن سەرەکی

د چوارچۆڤێ چالاککرنا یادداشتامەیا لێکتێگەهشتنێ و ب مەرەما بهێزکرنا هەڤکاریا هەڤپشک د ناڤبەرا دامەزراوەیێن ئەکادیمی و کەرتێ تایبەت دا، وۆرکشۆپەکا ئاست بەرز و پێشکەفتی د بوارێ وزەیا روژێ دا هاتە ئەنجامدان. ئەڤ وۆرکشۆپە ب هەڤکاریا پەیمانگەها تەکنیکی دهۆک یا زانکۆیا پۆلیتەکنیکی یا دهۆک، و کۆمپانییا (itel Energy Iraq) و کۆمپانییا (Finest Solar Solution) هاتە ڕێکخستن.

​وۆرکشۆپ ل ژێر ناڤونیشانێ:

"Advanced Solar Energy Workshop – PV System Installation and itel Inverter Connection & Configuration"

​پرۆسەیا فێرکرنێ بۆ دەمێ دوو ڕۆژێن بەردەوام ل بنگەهێ سەرەکی یێ کۆمپانییا Finest Solar Solutions ل باژێرێ دهۆکێ برێڤەچوو. د ئەڤێ خولێ دا، گرنگییا سەرەکی هاتە دانان ل سەر لایەنێ پڕاکتیکی یێ دامەزراندنا سیستەمێن وێنەڤۆلتایی

(PV Systems)، گرێدانا پێکهاتەیان، بکارخستن و ڕێکخستنا (Configuration) ئینڤێرتەرێن جۆرێ itel، و چاوانیا کارپێکرنا سیستەم و تەکنۆلۆجیایێن نووژەن کو د بازاڕێ کار یێ وزەیا روژێ دا دهێنە بەکارئینان.

​د ئەڤێ دەستپێشخەریێ دا، ستافێ ئەکادیمی یێ بەشێ میکانیک و وزەیا روژێ و ئەندازیارێن بەشێ ئەندازیاریا وزەیێ پشکداریکرن. ئارمانجا سەرەکی ژ ئەڤێ پشکداریێ، ڤەگوهاستنا ڕاستەوخۆ یا زانین و ئەزموونا پڕاکتیکی یا بازاڕی کاری بوو کو د ناڤ لابۆر و هۆلێن خواندنا قوتابییێن زانکۆیێ بهێتە جێبەجێکرن، ب مەبەستا پەرەپێدانا فێرکرنا پراکتیکی و ئامادەکرنا دەرچوویان بۆ پرکرنا پێدڤییێن کاری د بازاڕی دا.

​ئەڤ پێنگاڤە گرنگییا بهێزکرنا پەیوەندی و هەڤکاریا بەردەوام د ناڤبەرا زانکۆیێ و کەرتێ تایبەت دا دیار دکەت، ب مەبەستا پشتیڤانیکرنا فێرکرنا وزەیا نووژەنکری، گەشەپێدانا شارەزاییێن پڕاکتیکی، و بەلاڤکرنا تەکنۆلۆجیایێن کەسک و ژینگەهـ پارێزیێ.

​ل دوماهیێ، ڕێڤەبەرییا پرۆژەی ڕێز و سوپاسییێن خۆ ئاڕاستەی هەردوو کۆمپانییێن itel Energy Iraq و Finest Solar Solution کرن بۆ هاریکاری، ئامادەیی و پشتیڤانیا وان ئا بێ دوماهیک.