هەواڵێن سەرەکی

د چارچۆڤێ گرنگیپێدان ب بوارێ زانستی و پراکتیکی دا، تیما لقێ (SPE)یێ زانکۆیا پۆلیتەکنیک دهۆک، یێ پێکهاتی ژ ڕاوێژکارێ کولیژێ محمد سمکو نایف، علي عبدالرزاق وەک سەرپەرشت؛ وهەر ئێک ژقوتابیێن کولیژا تەکنیکی زاخۆ امیر سعدی افدال ، هوار ناظم ميشختي، محمد سليمان طه، عبدالرحمن مهدي صالح؛ سەرەدانا پێشانگەها لۆجستی یا هەولێرێ و کۆمەڵەیا ئەندازیارێن پەترۆلێ یا هەرێما کوردستانێ کر.

ئەڤ سەرەدانە ب مەبەستا:

ژ نێزیک ئاشنابوون: ل سەر دووماهیک پێشڤەچوونێن بوارێ لۆجستی و وزەیێ.

ئالوگۆڕکرنا ئەزموونان: و پەیداکرنا دەلیڤەیەکا باش بۆ قوتابیان کو دگەل پسپۆرێن پیشەسازیێ باخڤن و پێزانینێن نوی ل سەر بازارێ کاری و تەکنۆلۆژیایێ ب دەست بێخن.

ب‌هێزکرنا هەماهەنگیێ: د ناڤبەرا زانکۆیێ و سەنتەرێن کار و پیشەسازیێ و و ب‌هێزکرنا پەیوەندیێن ئەکادیمی و پیشەسازی.

کوالیتیا خاندنێ: پشتەڤانیا گەشەپێدانا بەردەوام و جەختکرن ل سەر دابینکرنا خاندنەکا ب کوالیتیا بلند ب ڕێکا ئەزموونێن مەیدانی و پراکتیکی.

ل دووماهیێ، قوتابیان دیار کر کو ئەڤ جۆرە چالاکیە دبنە ئەگەرێ بلندکرنا ئاستێ وان یێ زانستی و ئامادەکرنا وان بۆ پاشەڕۆژێ دا کو بشێن ب شێوەیەکێ سەرکەفتیانە د ناڤ بوارێن وزە و لۆجستی دا کار بکەن.