هەواڵێن سەرەکی

​د چارچوڤێ خۆرتکرنا پەیوەندیێن زانستی و ئەکادیمی دناڤبەرا زانکۆیان دا،و بەمەرەما ئاشناکرنا دوو ماموستایێن زانکۆیەکا عیراقێ ب چاوانیا جێبەجێکرنا خواندنا (بۆلۆنا پرۆسێس - Bologna Process) ل رێکەفتی 31-1-2026، راگڕیاکولیژا تەکنیکی یا تەندروستی و پزیشکی شێخان پێشوازیا دوو ماموستایێن کولیژا پەرستاری یا زانکویا بابل کر.

د روینشتنەکێ دا پ.هـ.د. بزاڤ ناجی, راگرێ کولیژا کولیژا تەکنیکی یا تەندروستی و پزیشکی شێخان پێشوازیا ماموستایێن زانکۆیا بابل کڕ، و هەمی پێزانین و زانیاریێن پێدڤی و یێن ئەزموونا پروسێسا بۆلۆنا دانە دیارکرن، پێخەمەت مفا وەرگرتنێ بۆ جێبەجێکرنا هەمان پرۆسێس ل زانکۆیێن عیراقێ د پاشەڕۆژێ دا، ژلایەکێ دیڤە پ.هـ.د. علاء نوری سەرکیس, سەرۆکێ پشکا پەرستاری و شاندێ مێهڤان دانوستاندن لسەر چەند تەوەرێن گرنگێن ئەڤێ پروسێسێ کڕ و تەکەزی لسەر وێ چەندێ کرن کۆ هەر دوو ماموستایێن زانکۆیا بابل ب وێ مەرەمێ هاتینە هەرێما کوردستانێ کۆ ئاشنای چاوانیا جێبەجێکرنا خواندنا (بۆلۆنا پرۆسێس - Bologna Process) ببن، و ئاماژە ب وێ چەندێ ژی کڕ کۆ کولیژا تەکنیکی تەندروستی و پزیشکی شێخان ب ئێک ژ کولیژێن پێشەنگێن جێبەجێکرنا ئەڤێ پروسێسێ ل سەر ئاستێ وەزارەتا خواندنا بلند و ڤەکۆلینێن زانستی ل هەرێما کوردستانێ دهێتە هەژمارتن و ژبەر ئەڤێ چەندێ ئەوان ئەڤ کولیژا زانکۆیا پۆلیتەکنیک دهۆک هەلبژارتیە.

​ل دوماهیا دیدارێ، راگرێ کولیژی هیڤیا سەرکەفتنێ بۆ شاندێ مێهڤان خواست د کارێن وان یێن زانستی دا و دیار کر کو دەرگەهێ کولیژێ یێ ڤەکرییە بۆ هەر هەماهەنگیەکا زانستی کو خزمەتا ئاستێ پەروەردە و خواندنێ ل عیراقێ و هەرێمێ بکەت.