هەواڵێن سەرەکی

دهۆک

​ئەڤرۆ رۆژا دووشەمبی ڕێکەفتی 7/9/2026، ل دەمژمێر 10:00 سپێدێ ل ئاڤاهیێ سەرۆکاتیا زانکۆیێ، جڤاتا زانکۆیا پۆلیتەکنیک دهۆک کۆمبوونا خۆ یا ئاسایی یا ژمارە (1) بۆ سالا نوی یا خواندنێ (2026-2027) ب سەرپەرشتیا بەرێز سەرۆکا زانکۆیێ، پ.د. ئـاری عادل، و ب ئامادەبوونا ئەندامێن جڤاتێ و نوینەرێن مامۆستا و قوتابیان ئەنجامدا. د ڤێ کۆمبوونێ دا، دانوستاندن ل سەر چەندین تەوەرێن گرنگ یێن زانستی، ئەکادیمی، کارگێڕی، دارایی و کاروبارێن قوتابیان هاتە کرن.

​ل دەستپێکا کۆمبوونێ، سەرۆکا زانکۆیێ هژمارەکا راسپاردە و رێنمایان پێشکێشی ئەندامێن جڤاتێ کرن ب مەرەما پێشخستنا رەوشا زانستی و ئەکادیمی یا زانکۆیێ. پاشان ب شێوەیەکێ تێر و تەسەل بەحس ل خالێن بەرنامێ کاری یێ جڤاتێ هاتە کرن کو چەندین تەوەرێن سەرەکی بخۆ ڤە گرتبوون:

​تەوەرێ کاروبارێن کارگێڕی و دارایی: پێگیری ب دەواما فەرمی یا مامۆستا و فەرمانبەران دگەل دەواما قوتابیان، پێگیریا فەرمانبەران ب دەوامێ و پەنجەمۆرێ و پشتراستکرنا دەواما هەمی مامۆستایان، دگەل پابەندبوونا مامۆستایان ب دەواما فەرمی ژ بۆ وانەگۆتنێ هاتە دووپاتکرن و پەسەندکرن.

​تەوەرێ کاروبارێن زانستی و خواندنا بلند: بڕیار ل سەر پێکئینانا ئەنجومەنێن راوێژکاری و ئەکتیڤکرنا وان بۆ سالا خواندنێ (2026-2027) هاتە دان. هەروەسا گەرەنتیکرنا کارکرنا پرۆگرامێن ئەکادیمی ل سەر پەرەپێدانا بەهرەیێن چەرخێ (21) و چارەسەرکرنا ئاریشەیان ب شێوازێن داهێنەرانە، و پەسەندکرنا پێداچوونێ د پلانا ئیستراتیجی دا پێش دەمێ (1/10/2026) هاتنە پەسەندکرن. سیستەمێ داهات و خەرجیان (Income and Expense System)، سیستەمێ رێڤەبرنا پۆرتفۆلیۆیێ (Portfolio Management System - PMS)، و جێبەجێکرنا بابەتێ پەرەپێدانا کار و کارسازی ل کۆلێژ و پەیمانگەهان هاتنە گەنگەشەکرن و پەسەندکرن.

​تەوەرێ کاروبارێن قوتابیان: بەحس ل دەواما فەرمی یا سالا خواندنێ (2026-2027) هاتە کرن کو دەستپێکا وێ ل رۆژا (6/9/2026) بوو ژبلی قوتابیێن قوناغا ئێکێ تاکو ژ لایێ وەزارەتا خواندنا بلند و ڤەکولینێن زانستی دهێنە وەرگرتن، دگەل پەسەندکرنا پلانا وەرگرتنا قوتابیان بۆ سالا نوو ل سەرانسەری زانکۆیێ و دیارکرنا ژمارا وان دگەل گوهۆڕینا ناڤێن پشکان، و پێداچوون ل سەر ئامادەکاریێن ئاهەنگا دەرچوونا قوتابیێن زانکۆیێ بۆ سالا (2025-2026).

​ل دویماهیێ سەرۆکا زانکۆیێ ئاماژە ب وێ چەندێ کر کو ئەو پرسیار و پێشنیاز و راسپاردێن هاتینە ئاراستەکرن ل دویف رێنمایان دێ هێنە جێبەجێکر