هەواڵێن سەرەکی

د چارچۆڤێ پلانێن زانکۆیا پۆلیتەکنیکی یا دهۆک بۆ پێشخستنا کەرتێ چاندنێ و بکارئینانا تەکنۆلۆژیایا سەردەم، شاندەکا زانکۆیێ ب سەرۆکاتیا پ.هـ.د. دیار أحمد صائب، رێڤەبەرێ یێ سەنتەرێ توێژینەوەیێن زانستی، و بەشداریا ماموستایێن پەیمانگەها تەکنیکی یا دهوک م. وارهیل نادر عەلی و م. زمان صالح نعمان، سەرەدانا پارێزگەها هەولێر کر.

ئەم سەرەدانە ب مەرەما ئاشنابوونا نێزیک ب سیستەمێ خانیێن پلاستیکی زیرەک (Smart Greenhouse) هاتە ئەنجامدان،

ب مەرەما ​ڤەکۆلینکرنێ ل سەر چەوانیا ڤەگوهاستنا ئەڤێ هزرا نوی بۆ ناڤا کەمپێن زانکۆیا پۆلیتەکنیک دهۆک شاندێ زانکۆیێ سەرەدانا کۆمپانیێن بسپور و شارەزایێن بوارێ چاندنا زیرەک کڕ پێخەمەت دابینکرنا ئاسایشا خوارنێ ب رێکا تەکنۆلۆژیایا پێشکەفتی، ئەڤ پڕۆژەیە دێ بزاڤێ کەت سێ تەوەرێن سەرەکی پێکڤە گرێدەت کۆ ‌پێک دهێن ژ ​ڤەکۆلینێن زانستی پێخەمەت دابینکرنا ژینگەکا گونجای بۆ مامۆستا و قوتابیان دا کو توێژینەوەیێن نوی ل سەر چاندنێ ئەنجام بدەن. هەروەسا ​تەکنۆلۆژیایێ و بکارئینانا سیستەمێن ئۆتۆماتیکی و زیرەک د بوارێ چاندنێ دا، و ژلایەکێ دیڤە ​پالپشتیا جوتیاران بکەت بۆ داهێنانێ د ڤی بواری دا کۆ بیتە ئەگەرێ هندێ زانکۆ ببیتە ژێدەرەک بۆ رێ نیشاندان و پشتەڤانیا جوتیارێن دەڤەرێ، دا کو بشێن ب کێمترین تێچوون بلندترین بەرهەم بدەست ڤە بینن.

ل دویماهیێ، شاندێ زانکۆیێ دوپات کر کو جێبەجێکرنا ڤان جۆرە پڕۆژەیان دێ

• لایەنێ پراکتیکی یێ زانکۆیێ بێهێزتر کەت
• و خزمەتەکا مەزن پێشکێشی کەرتێ چاندنێ ل پارێزگەها دهۆکێ کەت.