هەواڵێن سەرەکی

ب مەرەما بلند راگرتنا رۆژا جیهانی یا نەخۆشیا پەنجەشێرێ و بەلاڤکرنا هۆشیاریێ د ناڤ تەخا ئەکادیمی دا، ئەڤرۆ ل هۆلا ئازادی یا پەیمانگەها تەکنیکی دهۆک، یا سەر ب زانکویا پۆلیتەکنیکی یا دهۆک ڤە، وۆرک شۆپەکێ تایبەت هاتە ئەنجامدان.

​ئەڤ وۆرک شۆپە ب ئامادەبوونا ماموستا هوگر ئەنوەر، هاریکارێ راگرێ پەیمانگەهێ، و هەژمارەکا بەرچاڤ ژ ماموستا و قوتابیان بڕێڤە چوو. تێدا دوو سمینارێن زانستی ژ لایێ هەر دوو پسپۆران د. ئیمان عبدالحکیم، د. جادر عزیز ڤە هاتنە پێشکێشکرن.

د​تەوەرێن سەرەکیێن ئەڤێ وۆرک شۆپێ دا، ​مامۆستایێن پێشکێشکار ب تێروتەسەلی ئەڤ خالێن ل خوارێ دانە دیارکرن:-

​ئەگەرێن سەرەکی: دەستنیشانکرنا وان هوکارێن دبنە ئەگەرێ تووشبوونێ ب ڤێ نەخۆشیا کوژەک.

​جۆرێن پەنجەشێرێ: شرۆڤەکرنا جۆرێن بەربەڵاڤ و چەوانیا نیاسینا وان.

​خۆپاراستن و چارەسەری: رێکێن نوویێن خۆپاراستنێ و قۆناغێن چارەسەریێ دانە رونکرن.

​ل دویماهیا وۆرک شۆپێ، دەرگەهێ دانوستاندنێ بۆ ئامادەبوویان هاتە ڤەکرن و چەندین پرسیار و تێبینی ل سەر بابەتان هاتنە گەنگەشەکرن، کو ئەڤێ چەندێ دەوڵەمەندیەکا زێدەتر دا سمینارێن وورک شوپێ.