هەواڵێن سەرەکی

ب مەرەما بلندکرنا ئاستێ هشیاریێ لدور پەنجەشێرا سینگی و جەختکرن ل سەر گرنگیا خۆ پاراستنێ، لژێر چاڤدێریا پ. د. ئاری عادل، سەرۆکا زانکۆیا پۆلیتەکنیک دهۆک، و لژێر دروشمێ

(پێگەهشتن و هشیاری کلیلا پاراستنا ساخلەمیا ژنانە)

سمینارەکا هشیاریێ بۆ ژمارەکا خانمان هاتە پێشکێشکرن

سەنتەرێ یەکسانیا جێندەری ل سەرۆکاتیا زانکۆیێ ب هەڤکاری دگەل ڕێڤەبەریا کاروبارێن خۆ پاراستنا ساخلەمیا پارێزگەها دهۆکێ، سمینارەکا هشیاریێ ل ڕوژا دووشەمبی ڕێکەفتی 2026/10/19 و ل دەمژمێر ١١:٠٠ی سپێدێ، ل هۆلا سمیناران ل سەرۆکاتیا زانکۆیێ بۆ ژمارەکا فەرمانبەرێن ئافرەت ئەنجامدا، و ئەڤ سمینار ژلایێ تایبەتمەندا ساخلەمیا جڤاکی د. جوان حکمەت حسێن، بەرپرسا پشکا دەستنیشانکرنا پێشوەخت یا پەنجەشێرا سینگی هاتە پێشکێشکرن و د ئەڤێ سمینارێ دا رونکرنێن زانستی ل دور نیشانێن پەنجەشێرا سینگی، ڕێکێن خۆ پاراستنێ و گرنگی یا دەستنیشانکرنا پێشوەخت بۆ ئامادەبوویان هاتنە دیارکرن.

​ل دووماهیا سمینارێ و ب مەرەما ڕێزلێنانێ دبەرامبەر ڤێ هەڤکاریا زانستی دا، سەرۆکا زانکۆیێ پ. د. ئاری عادل، دەستخۆشی ل ڕێڤەبەریا کاروبارێن خۆ پاراستنا ساخلەمیا پارێزگەها دهۆکێ کر و هیڤیا بەردەوامییا کارێن هەڤپشک خواست، پاشان مەتالێ زانکۆیێ پێشکێشی وان کر.