پێشانگەهەکا پەرتووکان ب شێوازێ بێ بەرامبەر ل ئامێدیێ هاتە ڤەکرن
د چوارچۆڤێ پرۆژەیێن بەلاڤکرنا هۆشیاریا خواندنێ و دەولەمەندکرنا جیهانا هزری یا قوتابی و مامۆستایان، ئەڤرۆ رۆژا چوارشەمبی 11-11-2026، د رێورەسمەکێ پێشانگەهەکا تایبەتا پەرتووکان ل ژێر چاڤدێریا پ.هـ.د. ئەحمەد فەتاح، راگرێ پەیمانگەها تەکنیکی یا ئامێدیێ، و ب ئامادەبوونا هژمارەکا رێڤەبەر، بەرپرس، مامۆستا، فەرمانبەر و قوتابیان ل پشکێن زانستی یێن پەیمانگەهێ هاتە ڤەکرن.
ئەڤ پێشانگەهە ل ژێر دروشمێ
"بێ بەرامبەر خۆ رۆشنبیر بکە"
هاتبوو ڕێکخستن، ب سەرپەرشتیا ڕاستەوخۆ یا هەردوو مامۆستایێن پەیمانگەهێ د. هوار محمد سعید بلو و م. دلشاد نصرالله قەنجو هاتە ئەنجامدان. د چالاکیێ دا نێزیکی ٥٠٠ پەرتووکێن هەمەجۆر د بابەتێن جوداجودا دا هاتبوونە کۆمکرن، کو د دەرفەتەکا زانستی دا رێک هاتبوو دان هەر قوتابی، مامۆستا و فەرمانبەرەک ب بێ بەرامبەر دو پەرتووکان بخۆ بهەڵبژێریت.
پەرتووکێن د پێشانگەهێ دا هاتینە بەرهەڤکرن ژ لایێ چەندین ناڤەندێن رۆشنبیری، دەزگەهـ، کەسایەتی و نڤیسەران ڤە وەک پشتەڤانی هاتبوونە پێشکێشکرن، کو دیارترینی وان: ڕێڤەبەریا چاپ و بەلاڤکرنێ ل دهۆکێ، دەزگەهێ خانی یێ رۆشنبیری، لقا ١٨ یا پارتی دیموکراتی کوردستان، لژنا ناوچا ئامێدیێ، و هەر ئێک ژ بەرێزان د.مێهفان مەلا سعید، د.نجیب سعید رشید، هێرش کەمال رێکانى، سهردار هێتوتى، سامى بنیامێن رێکانى، ئاراز وەلید رێکانى، مەردان رفعت، عیسا عەلى و جەگەر کەمال رێکانى و ژمارەیەکا نڤیسەر و مامۆستایێن دەڤەرێ بوون.
د دووماهیا رێورەسمی دا، ڕاگریا پەیمانگەها تەکنیکی یا ئامێدیێ سوپاسی و ڕێزلێنانا خۆ ئاراستەی هەمی وان دامودەزگەهـ، کەسایەتی و نڤیسەران کر یێن کو ب پێشکێشکرنا پەرتووکێن خۆ پشتەڤانیا سەرکەفتنا ئەڤێ چالاکیا ئەکادیمی کری