هەواڵێن سەرەکی

ب ئاماده‌بونا ماموستا "هوگر ئەنوەر" هاريكارێ راگرێ په‌يمانگه‌هێ، وئەندازیار "کاروان فائق" رێڤەبەرێ تەندروستی و سلامەتی ل سەرۆکاتیا زانکۆیێ و هژمارەکا سه‌رۆك پشكێن خواندنێ و ماموستا و فەرمانبەر و قوتابیان پەیمانگەها تەکنیکی يا دهوك ئەڤرۆ روژا دوو شەمبی رێککەفتی 1/12/2025 روژا جيهانى يا نه‌خوشيا ئيدزێ ژلایێ هوبا تەندروستی و سلامەتی یا په‌يمانگه‌ها ته‌كنيكى يا دهوك ب هه‌ڤكاری دگەل رێڤه‌به‌ری یا خوپاراستنێ يا رێڤه‌به‌ری یا گشتى يا ساخله‌ميا پاريزگه‌ها دهوكێ، ل هۆلا ئازادی ب وورکشۆپەکێ هاتە ساخکرن.

دئەڤێ وورک شۆپێ دا سێ تەوەرێن گرنگ لسه‌ر ده‌سپێكا په‌يدابونا ئەڤێ نه‌خوشيێ و وچاوانيا ڤه‌گوهاستنا وێ و رێكێن خوپاراستنێ ژلایێ "دکتور سەگڤان حەسن، دکتورە رەنا جەرجيس، و دکتور مۆئەیەد ئاغالی" ڤه‌ هاتنە بەحسکرن و ل دویماهیێ دەرگەهێ دانوستاندنێ هاتە ڤەکرن و ئامادەبوویان ژی پرسیار و پێشنیاز و بووچونێن خۆ ئاراستە کرن.