هەواڵێن سەرەکی

ل ژێر ناڤ ونیشانێن " پڕوتۆکول و ئەتەکێتێت فەرمی " ل روژا ئێک شەمبی رێکەفتی 14/12/2025 وورک شوپەک ژ لایێ پشکا تەکنیکی راگەهاندن ڤە ل هوڵا کوردستان هاتە رێکخستن.

لژێر چاڤدێریا سەرۆکا زانکویا پولیتەکنیک دهوک پ. د. ئـــاری عـــادل، و ب سەرپەرشتیا راگرێ کولیژا تەکنیکی کارگێری پ.ھ.د. نوزاد رجب زبیر، و ب ئامادەبوونا هاریکارێ سەروکا زانکویێ بوکاروبارێن کارگێری ودارایی پ.د. مؤید برکات، و نوینەر و لایەن و بەرپرسێن دام و دزگەهێن حکومی و حزبی و بەرپرسێن لقێن ئێکەتیا قوتابی ولاوان وژمارەکا ماموستا و فەرمانبەر و قوتابیان،

پشکا تەکنیکی راگەهاندن رابو ب رێکخستنا وورک شوپەکێ بو بەرپرسێ پڕوتوکولێ ل فەرمانگەها پەیوەندیێن دەرڤە یێن حکومەتا هەرێما کوردستانێ د.زیرەک طیار زێباری، ل بن ناڤ ونیشانێن " پڕوتۆکول و ئەتەکێتێت فەرم" .

ب درێژاهیا دەمێ وورک شوپێ دکتوری بەحس ل وێ پروتوکولا فەرمی کر ئەوا پێدڤیە کار پێ بهێتە کرن د هەمی کارو چالاکیێن فەرمی دا و دیسان ب درێژی ئەتەکێتێن فەرمی بو ئامادەبویان شروڤەکرن .

و ل دوماهیێ دەرگەهێ پسیار و دانوستاندنێ هاتە ڤەکرن و پشتی بدوماهی هاتنا وورک شوپێ ، سەروکا زاکویێ دەست خوشی ل رێکخەرێن ڤێ چالاکیێ کر و مەتاڵێ رێزلێنانێ پێشکێشی مێڤانێ وورک شوپێ د.زیرەک زێباری، کر.