هەواڵێن سەرەکی

ل باره‌گایێ راگرییا پەیمانگه‌ها تەکنیکی یا دهۆک یا ب سەر زانکۆیا پۆلیتەکنیکی یا دهۆک ڤە ، کۆمبوونەک د ناڤبەرا ڕاگرییا پەیمانگه‌هێ و هەردوو کۆمپانییێن Finest Solar Solutions و Itel Energy Iraq دا هاتە ئەنجامدان.

پێخەمەت بهێزکرنا پەیوەندییێن پەیمانگه‌هێ دگەل ناڤەندێن تەکنۆلۆجی و زانستی ل هەرێمێ و جیهانێ، و ب مەرەما پێشخستنا ئاستێ زانستی و پراکتیکی و پیشەی یێ قوتابییان، دا کو بشێن ل گۆرەی پێدڤییێن بازاڕێ کاری بهێنە ڕاهێناندان، راگرێ پەیمانگەها تەکنیکی دهۆک پ.هـ.د. ئاراز رجب ابراهیم، و م. سمیان اومید، سەرۆکێ پشکا میکانیک و وزا ڕۆژێ ل گەل نوینەرێن کومانیێن نافهاتی کومبون و دانوستاندن ل سەر دانانا ئۆفەر و پلانا دامەزراندنا لابۆره‌کا پێشکەفتی یا تایبەت ب وزا ڕۆژێ ل پەیمانگه‌هێ هاتە کرن.

​پەیمانگه‌ها تەکنیکی یا دهۆک ئێک ژ ٦ پەیمانگەهێن تەکنیکیێن زانکۆیا پۆلیتەکنیک دهۆکە و دیارترین ناڤەندا ئەکادیمی یا دیارە وبەرچاڤە ل پارێزگەها دهۆکێ کو زێدەباری (٤) پشکێن نوژداری، خودان (٥) پشکێن ئەندازیارییە، کو پشکا میکانیک و وزا ڕۆژێ ئێک ژ پشکێن سەرەکی و گرنگێن پەیمانگه‌هێ دهێتە هه ژمارندن