English
كوردى
عربي
پەیمانگەها تەکنیکى یا ئامێدیێ وورکشوپ و پەنەلەک لدوور گوهرینا کەش و هەواى ساز کر
پەیمانگەها تەکنیکى یا ئامێدیێ وورکشوپ و پەنەلەک لدوور گوهرینا کەش و هەواى ژ لایێ جیولوجى و ژینگەهى و کشتوکالى و ئابورى و مەترسیێن وێ سازکر.
ئەڤرو روژا سێ شەمبى ٢٣-١٢-٢٠٢٥ ل ژێر چاڤدێرىا پ.د.ئارى عادل سهرۆكا زانكۆيا پۆليتهكنيكى يا دهوكێ و سەرپەرشتیا پ.ه.د.احمد فتاح راگرێ پەیمانگەها تەکنیکى یا ئامێدیێ، ب ئامادەبوونا هەمى بەرپرسێن حکومى و حزبى و ماموستا و فەرمانبەرێن پەیمانگەهێ و هەژمارەک ژ کەسێن بسپور و ئەکادمى، ووركشوپ و پهنهلەک لدوور گورینا کەش و هەواى هاتە پێشکێشکرن، کو ژ دوو بهشان پێکهاتبوو.
د بهشێ ئێكێ دا ووركشوپهك هاتە پێشكێشكرن کو دوو تەوەر بخوڤە دگرتن
تەوەرێ ئێكێ ژ لايێ پ.هـ.د. يهمان سامى هاريكارێ سهروكا زانكويا پوليتهكنيكى يا دهوكێ بو كاروبارێن زانستى هاته پێشكێشكرن و تێدا بهحسێ 17 ئهنجامێن پهرهپێدانا بهردهوام کر.
ل دوڤدا و د تەوەرێ دوويێ دا گورينا كهش و ههواى ژ لايێ پ.ه.د.احمد فتاح راگرێ پهيمانگهها تهكنيكى يا ئامێديێ و د.نجيب سعيد ماموستايێ پهيمانگههێ ڤه هاتە بەحسکرن و پێشكێشكرن.
د بهشێ دوویێ دا پهنهلهك ل سهر گورينا كهش و ههواى ژ لايێ جيولوجى و ژينگههى و كشتوكالى و ئابورى، وه هايداربوون ل مهترسيێن كهش ههواى ژ لایێ بەرێزان د.رهمهزان حهمزه ماموستايێ زانكويێ و د.نجمدين نێروهيى ماموستايێ زانكويێ و ههروهسا د.كاوه عبدالعزيز سهروكێ سهنديكا ئابوورناسێن كوردستانێ تايێ دهوكێ، ههروهسا م.رضوان مكايل هاتە پێشكێشكرن و بهحسكرن.
د پەنەلى دا ب تێرو تەسەلى بەحس ل گورانکاریێن کەش و هەوا ژ لایێ جيولوجى و ژينگههى و كشتوكالى و ئابورى، مهترسيێن وێ هاتە کرن.
ل دوماهیێ ژى دەرفهت ب ئامادەبوویان هاتە دان و گهنگهشه ل سهر بابهتى هاته كرن و بهرسڤا پرسێن ئامادهبوويان هاته دان ، پاشان رێزو سوپاسیێن راگریا پەیمانگەهێ ب پەنەلیست و بەشداربویێن ووركشوپ و پهنهلى هاتنە بەخشین.