کولیژا تەکنیکی دهۆک دووەمین سمپۆزیوما ساخلەمیێ ئەنجامدا
ل ژێر چاڤدێریا پ. د. ئاری عادل، سەرۆکا زانکۆیا پۆلیتەکنیک دهۆک و ب ئامادەبونا پ. د. موئەیەد بەرەکات، هاريكارێ سهروكێ زانكۆيێ بو كاروبارێت كارگێرى ودارايى، راگرا پەیمانگەها تەکنیکی کارگێری، هاریکارێن راگران و ژمارەکا ماموستا و فەرمانبەر و قوتابیان، راگریا کولیژا تەکنیکی دهۆک هەلکەفتا ڕۆژا جیهانی یا نەخۆشییا شەکرێ یا سالا ٢٠٢٦ێ، ب کومەکا چالاکیێن ئەکادیمی ب ناڤونیشان
(هشیارییا شەکرێ، خوارنا ساخلەم، و تەکنەلۆژیا خوارنێ)بەرەڤ پاشەڕۆژەکا ساخلەمتر» ل هۆلا ئازادی رێکخست
چالاکیێ ب ڕێورەسمێن ڤەکرنێ و ناساندنا ڕۆژا جیهانی یا شەکرێ دەستپێکر، و پاشی پەیڤا بخێرهاتنێ ژ لایێ پ. هـ. د. ضیاء مصطفی سلیمان، ڕاگرێ کۆلیژا تەکنیکی یا دهۆکێ ڤە هاتە پێشکێشکرن. ودیڤدا د سمینارا ئێکێ دا پ. هـ. د. شاکر حسن ابراهیم، بابەتەک ل دۆر
" ڕۆلێ تەکنەلۆژیا خوارنێ و خۆراکناسیێ د بەرهنگاربوونا نەخۆشییا شەکرێ دا " پێشکێش کر.
د سمینارا دووێ دا هەر ئێک ژ قوتابییان (نیاز صالح صالح، ئادار یاسین مصطفی، و صبریە تحسین ابراهیم) سمینارەک ل ژێر ناڤونیشانێ
"ژ تەکنەلۆژیا خوارنێ بەرەڤ خۆپاراستن ژ شەکرێ" پێشکێش کر.
دناڤبڕا چالاکیێ دا، ژمارەیەکا بەرهەمێن خوارنێ یێن ساخلەم کو ژ لایێ قوتابییان ڤە هاتبوونە ئامادەکرن، هاتنە نیشاندان و دیڤدا تەوەرەکێ گرنگێ چالاکیێ کو یێ تایبەت بوو ب پانێلەکێ ل دۆر
"خۆپاراستن ژ شەکرێ ب ڕێکا خۆراکناسیێ و شێوازێ ژیانێ"،
کو تێدا هەر ئێک ژ پ.هـ.. د. زیا مستەفا وەک بسپۆرێن بوارێن خۆراکناسی، وپ. هـ. د. جمال صديق، وەک بسپۆرێ تەکنەلۆژیا خوارنێ، و د. دیار رەمەزان وەک بسپۆرێ وەرزشێ تێدا پشکدار بوون و دیتنێن خۆ یێن زانستی ئێخستنە بەرچاڤ.
ل دوماهیێ، بڕگەیا پسیار و بەرسڤێن هشیاریێ (ڕاستی و خەلەتی ل دۆر شەکرێ) ژ لایێ لیژنا ڕێکخەر ڤە هاتە ئەنجامدان، و پاشان د پەیڤا دوماهیکێ دا، پ. هـ. د. هەڤاڵ طارق، دگەل لیژنا ڕێکخەر باوەرنامەیێن ڕێزلێنانێ پێشکێشی پشکداربوویان کرن و چالاکی ب گرتنا وێنەیەکێ ب کۆم ب دوماهی هات.