هەواڵێن سەرەکی

دهۆک، 3/12/2025

ب هەلکەفتا حەفتیا جيهانی یا بەرهنگاربوونا توندوتیژیێ دژی ژنان لژێر چاڤدێریا پ. د. ئاری عادل، سەرۆكا زانكۆیا پۆلیتەكنیكی یا دهۆك و ب سەرپەرشتیا د. دەولەت موستەفا سلێمان ڕاگرا پەیمانگەها تەكنیكی كارگێری دهۆك، پەنەڵەك لژێر ناڤ و نیشانێن

"بەرهنگاربوونا دەستدرێژی و نەهێلانا جوداهیێ ل زانکۆیان دا"

ژلایێ پشکا کارگێری یاسا ل هۆلا کوردستان هاتە برێڤەبرن.

ب ئامادەبوونا پ. د. ئاری عادل، سەرۆكا زانكۆیا پۆلیتەكنیكی یا دهۆك؛ عەقیدێ مافپەروەر وەڵات صدیق أبراهیم، رێڤەبەرێ رێڤەبەریا بەرهنگاربوونا توندوتیژیێ دژی ئافرەتان و خێزان – دهۆك؛ د. عبدالله جلالەدین؛ بەرپرسێ لژنا ناوچا زانست یا پارتی دیمۆكراتی كوردستان دگەل ئامادەبوونا چەندین مێهڤانان و مامۆستا و فەرمانبەر و قوتابییان پەنەڵی دەسپێكر.

تەوەرێن پەنەلی

تەوەرێ ئێكێ: پ. د. أسماعیل أبابكر بامەرنی ماموستایێ چالاک دبوارێ نەهێلانا توندوتیژیێ دا بەحس ل توندوتیژیێ د ناڤبەرا رەگەزێ نێر و مێ كر دیتن و چارەسەری دانە دیاركرن.

تەوەرێ دووێ: د. ئالین سەردار زوهدی راهێنەرا ل خۆ ئاگەهبوون و خۆ چارەسەریێ گرنگیا ل خۆ ئاگەهبوون و خۆ چارەسەریێ د کەیسێن توندوتیژی دا بۆ ئامادەبوویان بەحسكر.

تەوەرێ سێیێ: پەیڕەوکرنا سیاسەتا بەرهنگاربوونا تەحرش و نەهێلانا جوداهیێ د زانکۆیا پۆلیتەکنیکی یا دهۆك ژلایێ م. بەڕەڤان خورشید ئێتیتی مامۆستایێ پشكا كارگێری یاسا ل پەیمانگەها تەكنیكی كارگێری ڤە هاتە بەحسكرن.

پاشان م. رێزان محمد امین ڕێڤەبەرا پەنەڵی دەرگەهێ دان و ستاندنێ بۆ ئامادەبوویان ڤەكر و چەندین پرسیار ژلایێ ئامادەبوویان بۆ مێهڤانێن پەنەلی هاتنە ئاراستەكرن و بەرسف لسەر هاتە دان.

ل دووماهیێ رێز و سوپاسی ژلایێ سەرۆكاتیا زانكۆیا پولیتەكنیك دهۆك ڤە پێشكێشی پشكدارێن پەنەڵی هاتنەكرن.