هەواڵێن سەرەکی

ل ژێر چاڤدێرییا د. ئارام محمد قادر ,وەزیرێ خواندنا بلند و ڤەکۆلینێن زانستی، وەزارەتا خواندنا بلند ب هەماهەنگی دگەل زانکۆ و ناڤەندێن زانستیێن هەرێما کوردستانێ، "دیدارا کەزی بۆ خانمێن ئەکادیمی" ئەنجام دا.

ب پشکداریا پ. د. ئــاری عـــادل، سەرۆکا زانکۆیا پۆلیتەکنیک يا دهۆک و وەکە ئەنداما لیژنا بلندا رێکخستنا دیدارا کەزی و رێژەکا بەرفرەهـ یا خانمێن پسپۆڕ و مامۆستایێن زانکۆیان ئەڤ دیدارە هاتە بڕێڤەبرن، کو تێدا دانوستاندن ل سەر ڕۆڵێ کارایێ ئافرەتێ د سەرکردایەتیکرنا دام و دەزگەهێن زانستی و پێشخستنا کەرتێ خواندنا بلند دا هاتە کرن، و تەوەرێن سەرەکیێن ئەڤێ دیدارێ برێکا راپرسیا پێش دەم یا کو 1136 خانمان بەرسڤ دابوون، و دئەڤێ و دپانێلەکێ ئەڤێ دیدارێ دا دانوستاندن لسەر هاتە کرن، چەندین خالێن گرنگ هاتبونە دیارکرن وەکی ڕۆڵێ سەرکردایەتی و چاوانیا بڕێڤەبرنا پۆستێن کارگێڕی و زانستی ژ لایێ خانمان ڤە، و هەروەسا داهێنان و کارامەیی و پەرەپێدانا شیانێن خانمان دبوارێ تەکنۆلۆژیا و داهێنانێن سەردەم دا، و ڤەکۆلینێن زانستی و چالاککرنا پێگەهێ خانمێن ئەکادیمی د سوشیال میدیا و گۆڤار و پلاتفۆرمێن جیهانی دا.

ل دویماهیێ پێشنیار و ڕاسپاردە و دەرئەنجامێن دیدارا کەزی ژلایێ پ. د. ئــاری عـــادل، سەرۆکا زانکۆیا پۆلیتەکنیک يا دهۆک ڤە دپانێلەکی دا هاتنە دیارکرن کو ئەڤ راسپاردە دێ بنە بنەمایەک بۆ ڕیفۆرما سیاسیەتا گشتی دناڤ وەزارەتا خواندنا بلند و ڤەکۆلینین زانستی دا، مینا پشتەڤانییا بڕیارێ، ل دویف راپرسیا بەری دیدارێ هاتیە بەلاڤکرن و دەرئەنجامێن وێ ئاماژێ ب وێ چەندێ دەن کۆ ب پێدڤییە وەزارەت باوەرییەکا زێدەتر ب شیانێن خانمان بینیت و دەرفەتا وەرگرتنا پۆستێن بلند بۆ وان برەخسینیت، ژلایەکێ دیڤە وەک سیستەمێ کۆتا، و جێبەجێکرنا سیستەمێ کۆتایێ د دامەزراوەیێن خواندنا بلند دا بۆ گەهشتنا خانمان ب ناڤەندێن بڕیارێ، هەروەسا پەرەپێدانا ئەکادیمی و هاندانا خانمێن مامۆستا بۆ پشکدارییا کارا د کۆنفرانسێن نێڤدەولەتی دا و چالاککرنا پڕۆفایلێن و ئاکاونتێن زانستی، و هەردیسان راسپادەیان ئاڤاکرنا سەنتەرێ داهێنانێ ژی پێشنیار کریە کۆ ئاڤاکرنا بنگەهەکێ تایبەت ل وەزارەتێ بۆ هەلسەنگاندن و پشتگیریکرنا پڕۆژە و داهێنانێن ئافرەتان هەبیت، و هەروەسا خەلاتکرن و ڕێزلێنان ژی هەبیت و پێتڤیە دانانا سیستەمەکێ سالانە بۆ خەلاتکرنا داهێنەرترین و سەرکەفتیترین خانمێن ئەکادیمی و قوتابیان هەبیت، ل دویماهیێ ژی هوسا دیارکریە کۆ ئەڤ دیدارە وەک بزاڤەکا سترات.