هەواڵێن سەرەکی

ژبۆ پێشخستنا رێکێن تمام بەرەڤ پاشەرۆژەکا کێم کاربۆن و نەرم، لژێر چاڤدێریا پ. د. ئاری عادل، سەرۆکا زانکۆیا پۆلیتەکنیکی یا دهۆک، و ب ئامادەبوونا بریکارێ وەزیرێ خواندنا بلند و ڤەکولینێن زانستیێن حکومەتا هەرێما کوردستانێ وجێگرا بەرپرسێ مەکتەبا رێکخستنا پارتی دیموکراتی کوردستان، بەپرسێ لقا 18 و جێگرێ پارێزگارێ دهۆکێ، راوێژکارێ وەزیرێ خواندنا بلند و ڤەکولینێن زانستیێن حکومەتا هەرێما کوردستانێ، ژمارەکا هاریکارێن سەرۆک زانکۆیان و ڤەکۆلەر و ماموستایێن ناڤەندێن خواندنێ یێن هەرێما کوردستانێ و عێراقێ و 10 وەلاتان، ل ڕۆژا سێ شەمبی ڕێکەفتی 6/10/2026ـێ روژا ئێکێ یا ئێکەمین کۆنفرانسێ نێڤدەولەتی یێ کێمکرنا کاریگەریێن کەشوهەوای، وزە و بەردەوامیێ (ICCMES 2026) بسەرپەرشتیا پەیمانگەها تەکنیکی یا ئامێدیێ، ل ژێر درووشمێ

"پێشخستنا رێکێن تمام بۆ پاشەرۆژەکا کێم کاربۆن و نەرم"، هاتە برێڤەبرن.

​ڕێوڕەسمێن ڤەکرنا کۆنفرانسی ب وەستانا خولەکەکێ بۆ ڕێزگرتن ل گیانێ پاکێ شەهیدان، خواندنا سرودا نشتیمانی و سورەتا (ئەلفاتیحە) دەستپێکرن. پاشان، پ. د. ئاری عادل، سەرۆکا زانکۆیێ و سەرۆکا فەخری یا کۆنفرانسی، د پەیڤەکێ دا ب خێرهاتنا میڤانان کر و جەخت ل سەر گرنگیا ڤەکۆلینێن ژینگەهی و پشتیەڤانیا بەردەوام یا زانکۆیێ بۆ ئەڤان دەستپێشخەریێن ئەکادیمی کر. دیڤدا، د. ئەمیر عبدالرحمن چالی، بریکارێ وەزارەتا خواندنا بلند و ڤەکۆلینێن زانستی ل هەرێما کوردستانێ، پەیڤا وەزارەتێ پێشکێشکر و تێدا ڕۆلێ زانکۆیێ د ئینانا چارەسەریێن زانستی بۆ ئاریشەیێن کەشوهەوای بدا بەرز نرخاند.

​د تەوەرەکێ دی یێ ڕێوڕەسمان دا، پ. هـ. د. ئەحمەد فتاح، سەرۆکێ کۆنفرانسی، ب کورتی پوختەیەک ل دور ئارمانج، تەوەر و سێکتەرێن سەرەکی یێن کۆنفرانسی دانە نیاسین. هەروەسا پێشاندانا ڤیدیۆیەکا دۆکیۆمێنتاری ل دور زانکۆیا پۆلیتەکنیکی یا دهۆک و ئاراستەیێن زانستی یێن سپۆنسەرێن کۆنفرانسی بەشەکێ دی یێ بڕگەیان بوو.

دیڤدا چالاکیێن زانستیێن ڕۆژا ئێکێ ب دوو سمینارێن سەرەکی ژلایێ (Keynote Speakers) و ڤەکۆلەرێن ناڤدار ڤە هاتنە پێشکێشکرن:

​سمینارا ئێکێ: ژلایێ پ. د. عەزیز عەبدوللا برزنجی، ژ زانکۆیا سۆران هاتە پێشکێشکرن ژبۆ بەحسکرنا بابەتێ "نەنۆتەکنۆلۆژیا کەسک بۆ ووزێ و بەردەوامیا ژینگەهێ" (Green Nanotechnology for Energy and Environmental Sustainability).

​سمینارا دووێ: ژلایێ پ. د. عەبدولسەمەد ئەحمەد، ژ زانکۆیا تیشک یا نێڤدەولەتی هاتە پێشکێشکرن ل سەر بابەتێ "زانکۆ وەکی بزوێنەرێن پرۆسێن کەشوهەوای: تێکەلکرنا بەردەوامیێ د خواندنا بلند و ڤەکۆلینان دا"

(Universities as Engines of Climate Action)

​ل دوماهییێ ڕێزلێنان و باوەرنامە ل سەر ئاخڤتنکەرێن سەرەکی، لژنەیێن کۆنفرانسی و کۆمپانیێن سپۆنسەر ( الاخوين - DARO )هاتنە بەلاڤکرن

و کارێن روژا ئێکێ یێن کۆنفرانسی د ڕۆنشستنێن زانستی یێن ئێڤاری دا بەردەوام بوون، و بڕیارە چالاکیێن ڕۆژا دووێ ژی د هەمان ئاڕاستە دا بڕێڤە بچن.