هەواڵێن سەرەکی

ل ژێر دروشمێ "بپشتەڤانیکرنا ئافرەتێ .. دێ پاشەرۆژەکا باشتر بۆ هەموان ئاڤاکەین"

و لژێر ناڤ ونیشانێن "بهێزکرنا رۆڵێ ئافرەتێ بۆ هەڤسەنگیەکا جڤاکی یا باشتر"

ل رۆژا دوو شەمبی رێککەفتی 8/12/2025 پەنەلەک ژلایێ پەیمانگەها تەکنیکی شێخان ڤە ل هۆلا پەروەردا شێخان هاتە ئەنجامدان.

لژێر چاڤدێریا پ. د. ئـــاری عـــادل، سەرۆکا زانکویا پولیتەکنیک دهوک و ب سەرپەرشتیا د. کوردمان محمد علی، راگرا پەیمانگەها تەکنیکی یا شێخان ب هەلکەفتا هەوا 16 رۆژی یا بەرهەنگاربوونا توندوتیژیێ دژێ ئافرەتان و ب ئامادەبوونا بەرێز سردار شێخ یحیى قایمقامێ قەزا شێخان و نوینەر و رێڤەبەر و بەرپرسێن دام و دزگەهێن میری و حزبی و کەسایەتیێن دەڤەرێ وهژمارەکا ماموستا و قوتابیێن پەیمانگەها پەیمانگەها تەکنیکی شێخان

پێخەمەت بهێزکرنا رۆلێ ئافرەتێ دناڤ جڤاکی دا و بەرجەستە وبهێزکرنا ئافرەتێ، پەنەلەکێ چوار تەوەری هاتە رێکخستن، ب مێهڤاندارا هەر ئێک ژ "م. خالد جمال شنگالی، د. ماجد ادریس، م. علی عبدالقادر و م. ڤیان اکرم" و ئەڤ پەنەلە ژلایێ قوتابیێ زانکۆیا پۆلیتەکنیک دهۆک بیوار داخاز صالح ڤە هاتە برێڤەبرن،

دتەوەرێ ئێکێ دا پارێزەرێ راوێژکار خالد جمال شنگالی شیاندنا ئافرەتان ژ رویێ یاسایی ڤە بۆ بەرجەستەکرنا دادپەروەریا جڤاکی دا بەحسکڕ،

و دتەوەرێ دووێ دا ماموستایێ زانکۆیا دهۆک د. ماجد ادریس، جڤاک وئاڤاکرنا رۆڵى ئافرەتا هەڤچەرخ بەحس کڕ،

دتەوەرێ سێ یێ دا کارتێکرنێن دەروونی و دورستکرنا رۆڵێ ئافرەتێ دجڤاکی دا ژلایێ سەرۆکێ پشکا دەروناسی ل زانکۆیا نەوروز م. علی عبدالقادر، ڤە هاتە بەحسکرن،

ل تەوەرێ چارێ و دویماهیێ دا ماموستایا پەیمانگەها تەکنیکی شنگال م. ڤیان اکرم بەرپرسا ناڤەندا ئافرەتێن قەزا سێمێلێ، رۆلێ ئێکەتیا ئافرەتێن کوردستانێ دبهێزکرنا شیانێت ئافرەتان و پاراستنا وان د جڤاکی دا هاتە بەحسکرن،

و ل دومیاهیێ پ. د. ئاری عادل، سەرۆکا زانکۆیا پۆلیتەکنیک دهۆک سۆپاسیا رێکخەرێن ئەڤێ چالاکیێ کڕ و مەتالێ رێزلێنان پێشکێشی رێڤەبەرێ پەنەلى و مێهڤانێن پەنەلی کڕ.