English
كوردى
عربي
دهۆک دێ مێڤاندارییا چارەمین کۆنفرانسێ نێڤدەولەتی یێ گەشەپێدانا سیستەمێن بەردەوام کەت
ب مەرەما پێشخستنا ئاستێ زانستی و لێکگۆهرینا ئەزموونان دهێتە چاڤەرێکرن چارەمین کۆنفرانسێ نێڤدەولەتی یێ گەشەپێدانا سیستەمێن بەردەوام (ICSSD 2026) ب هەفکاریا زانکۆیا پۆلیتەکنیکى یا دهۆک و نەهـ زانکۆ و دەزگەهێن ئەکادیمى ل رۆژێن ٢٢ و ٢٣ تەمموزا ٢٠٢٦ ل باژێرێ دهۆکێ بهێتە ئەنجامدان .
لژنەیا بلندا ئامادەکار یا کۆنفرانسی بانگهێشتا گشت مامۆستا، ئەکادیمی و قوتابیێن خواندنا بلند (ماستەر و دکتۆرا) دکەت کو ب ڤەکۆلینێن خۆ یێن زانستی پشکداریێ د ڤێ روودانا زانستی یا نێڤدەولەتی دا بکەن.
ئەڤ کۆنفرانسە دێ بیتە پێگەهەکێ گرنگ بۆ نیشاندانا دوماهیک ڤەکۆلین و دەستکەفتێن زانستی د بوارێن گەشەپێدانا بەردەوام دا.
ئەو لایەنێن حەزا پشکداریێ هەین دشێن ڤەکۆلینێن خۆ پێشکێش بکەن، و بۆ هەر زانیاریەکا زێدەتر یان هەبوونا پسیاران، سەرەدانا مالپەرێ فەرمی یێ کونفرانسێ بکەن
یان پەیوەندیێ بکەن دگەل لژنەیا رێکخستنا کونفرانسێ برێکا ئیمێلی
تەرخان کریە بۆ پەیوەندیکرنێ.
ئەڤ کۆنفرانسە ئێکە ژ زنجیرە چالاکیێن زانستی یێن زانکۆیا پۆلیتەکنیکی یا دهۆک کو ب مەرەما گرێدانا زانستی د ناڤبەرا ڤەکۆلەرێن نافخۆیی و نێڤدەولەتی دا دهێتە ئەنجامدان.