هەواڵێن سەرەکی

پروفێسور دکتورە ئاری عادل سەرۆکا زانکۆیا پۆلیتەکنیک دهۆک. پشکداری د رێورەسمێن کونگرێ پێنجی و حەفتێ یێ ئێکەتیا زانکۆیێن عەرەبی دا کڕ ئەوێن وەلاتێ کوێتێ هەر ژ رێکەفتی 21 هەتا 24 نیسانا 2025 مێهڤانداریا وێ کری، ل ژێر دروشمێ" بەرەف پێشڤەبرنا ئێکگرتنا هەرێمی وڤەگوهاستنا دیجیتاڵی دخواندنا بلند یا عەرەبی دا" ب پشکداریا ژمارەکا زانکۆیان و کەسایەتیێن ئەکادیمی ژ وەلاتێن جودا جودایێن عەرەبی.

ژلایێ خوڤە سەرۆکا زانکۆیێ خوشحالیا خو دەربری بەرامبەر پشکداریا زانکۆیا پۆلیتەکنیک دهۆک دئەڤی ئێڤێنتا ئەکادیمی یا بناڤ و دەنگ دا، ئەوا دبیتە پرەک بۆ هەڤدیتنا سەرۆک زانکویێن عەرەبی و لێکگوهارتنا بیروبووچونان لدور ئایندێ خواندنا بلند ل دەڤەرێ، هەروەسا ئەو چەندە ژی دیارکر کۆ زانکۆیا پۆلیتەکنیک دهۆک یا پێگیرە ب پشتەڤانیکرنا لێکگوهرینێن ناوچەیی ئەوێن ب مەرەما پێشخستنا خواندنا بلند کار دکەن پێخەمەت پێشڤەبرنا هەفکاریێ دنافبەرا زانکۆیێن کوردی و عەرەبی دا.

دئەڤى کونگرەى دا هژمارەکا چالاکیان و دانوستاندنێن زانستى لدور چاوانیا ڤەگوهاستنا هژمارەى و بەرفرەهکرنا چوارچوڤەیێ زیرەکیا دەستکرد دخواندنێ دا کر لدویف خواستا بازارێ کارى.