هەواڵێن سەرەکی

هەڤلێر - 20 ی تەمووزا 2025.

سێیەمین کۆنفرانسێ نێڤدەوڵەتیێ پێشخستنا سیستەمی ژینگەهی ICSSD 2025 سپێدەهیا ئەڤرۆ ل هەڤلێرێ دەستیپێکر و دێ بۆ دەمێ دوو ڕۆژان ب پشکداریا ژمارەیەکا ڤەکولەر و ئەکادیمیێن وەزارەتا خواندنا بلند و شەش زانکۆ و سەنتەر و دەزگەهێن نافخوی و نێڤدەولەتی هێتە برێڤەبرن، شاندێ بلندێ زانکۆیا پۆلیتەکنیک دهۆک بەسەرۆکاتیا پرۆفیسۆر دکتۆرە "ئاری عادل" سەرۆکا زانکۆیێ و هاریکارێ سەرۆکا زانکۆیێ بۆ کاروبارێن قوتابیان و ڕاگری کۆلێژی تەکنیکی ئەندازیاری و ڕاگری پەیمانگەها تەکنیکی ئامێدیێ و شەش ڤەکولەر و ژمارەیەکا پرۆفیسۆر و ماموستایێن و رێڤەبەرێن سەرۆکاتیا زانکۆیێ پشکدار بوون و ب ئاشکرایی پێگریا زانکۆیێ بۆ پشتەڤانیکرنێ ل دەستپێشخەریا بەردەوامی وڤەکولینێن زانستی کر و وپێخەمەت ئەڤێ چەندێ دروژا ئێکێ دا دێ چوار ڤەکولین و د روژا دوێ دا دێ دوو ڤەکولین ژلایێ ڤەکولەرێن زانکۆیا پۆلیتەکنیک دهۆک ڤە د ئەڤی کونفرانسی دا هێنە پێشکێشکرن و ڤەکولینێن وان د گوڤارێن باوەرپێکریێن ناڤدارێن خوارێ دا هێنە بەلاڤکرن:

• Energy Engineering
• JESTEC
• IIETA
• Semarak Ilmu Publishing
• Terra Joule Journal

ئەڤ کۆنفرانسە ژلایێ سەنتەرێ ACARES و زانکۆ ودەزگەهێن نێڤدەولەتی هاتیە رێکخستن، وتەکەزیێ دئێخیتە سەر بوارێن سەرەکیێن ئارمانجێن گەشەپێدانا بەردەوامی ل نەتەوێن هەڤگرتی وەک:

• ئاڤا پاقژ و پاک وپژینی
• وزەیا پاک و نوێبووڤە
• ژێرخانەیا بەردەوام
• باژێرین نوی و هەڤالێن ژینگەهێ
• چارەسەرکرنا گۆهینا کەش وهەوای.

ئارمانج ژئەڤی کۆنفرانسی پەرەپێدانا هەفکاریێ یەدنافبەرا دەزگەهێن ئەکادیمی و ڤەکولینێن وان بۆ پشتەڤانیکرنێ ل چارەسەریێن زانستی و تەکنەلۆژییێن خزمەتا ژینگەهێ و گەشەپێدانا بەردەوام دکەن