هەواڵێن سەرەکی

رێڤەبەریا گشتی یا سەنتەرێ ڤەکۆلینێن زانستی ل زانکۆیا پۆلیتەکنیکی یا دهۆک، ب ڕێیا رێڤەبەریا ئاڤاکرنا شیانان و تاقیگەهان، ئەڤرۆ وۆرکشۆپەک ب ناڤونیشانێ

“ئامرازێن ژیرییا دەستکرد د پەروەردە و ڤەکۆلینان دا” ئەنجامدا.

ب ئامادەبونا "پ. هـ. د. دیار احمد صائب" رێڤەبەرێ گشتی یێ ڕێڤەبەریا گشتی یا سەنتەرێ ڤەکۆلینێن زانستی، و پ. هـ. د. مسعود عبدالکریم رێڤەبەرێ رێڤەبەریا ئاڤاکرنا شیانان و تاقیگەهان و 75 مامۆستا، ڤەکۆلەر و ستافێ ئەکادیمی وورک شۆپەکا ژێریا دەستکرد ب چوار تەوەرێن سەرەکی ڤە ژلایێ د. مسعود محمد حسن ڤە ل هۆلا سمیناران یا سەرۆکاتیا زانکۆیا پۆلیتەکنیک دهۆک هاتە پێشکێشکرن.

تەوەرێ ئێکێ یێ ئەڤێ وورک شۆپێ ل سەر بنەما و گوهۆڕینا پارادایمێ پەروەردەیی بوو: د ڤێ تەوەری دا پێشەکییەک دەربارەی تۆڕێن دەماری یێن ژیرییا دەستکرد و شۆڕەشا ل سەر بنەمایێ داتایان هاتە پێشکێشکرن، هەروەسا باس ل گوهۆڕینا ژ ژبەرکرنا نەرێنی بۆ فێربوونا کەسی هاتە کرن، یا کو ب ڕێیا ژیرییا دەستکرد دهێتە ڕێڤەبرن.

د تەوەرێ دووێ دا ئەندازیارییا پرۆمپت یا بکارئینای (Applied Prompt Engineering) هاتە شرۆڤەکرن: تەکنیکێن سەرەکی ئەڤە بوون: پرۆمپتا ڕۆل-بنەما، پرۆمپتا چەند نموونەیان (few-shot)، و پرۆمپتکرنا هەلوەشیای/زنجیرە-هزرکرنێ. هەروەسا چوار پرەنسیپێن سەرەکی هاتنە ڕاگەهاندن: کورتکرن، ڕوونی، پێکهاتەیا لۆژیکی، و فۆرماتکرنا دەرئەنجامی.

تەوەرێ سێێ بکارئینانا پراکتیکی یا ئامرازێن ئەکادیمی یێن ژیرییا دەستکرد بوو: ئامرازێن پێداچوونا ئەدەبیاتێ و ڤەکۆلینێ، وەک Elicit، SciSpace و Google Deep Research، هاتنە ناساندن. هەروەسا دروستکرنا ناڤەرۆکێ، دیزاینکرنا وانەیان و ئامادەکرنا پێشکێشکرنان ب ڕێیا NotebookLM ، Gamma و Beautiful.ai هاتە نیشاندان. ل دوماهیێ، بەراوردکرنەک د ناڤبەرا مۆدێلێن زمانێ مەزن (LLM) دا هاتە کرن، ژ وان Perplexity, ChatGPT ، Claude، Gemini و DeepSeek.

د تەوەرێ چوارێ دا ئاماژە ب ئەخلاق، دەستپاکی و پاشەرۆژێ هاتە کرن: د ڤێ تەوەری دا ڕێڤەبرنا دەستپاکییا ئەکادیمی، دزییا ئەکادیمی، ئالیگیرییا ئەلگۆریتمی و تایبەتمەندییا داتایان هاتنە ڤەکۆلینکرن، هەروەسا ڕۆلێ نووی یێ مامۆستایی وەک ڕێبەر هاتە دیارکرن، و گوهۆڕین ژ "ژیرییا دەستکرد" بۆ "دانایییا دەستکرد" هاتە باسکرن.

ل دوماهیکا وۆرکشۆپێ، دەرفەتا پرسیار و بەرسڤان بۆ پشکداران هاتە ڕەخساندن، و پشتی گفتوگۆیان، ب خواندنا ڕاسپاردە و دەرئەنجامێن وۆرکشۆپێ ڤە دوماهیک پێهات