هەواڵێن سەرەکی

ژچوارچۆڤێ پڕۆژێ هەلمەتا نیشتیمانی بۆ ڕووبەڕووبوونا ماددێن هۆشبەر، و ب ئامادەبۆنا پ. د. ئـــاری عـــادل ,سەرۆکا زانکۆیا پۆلیتەکنیکی یا دهۆک، سەرۆکاتیا زانکۆیێ ب هەفكارى دگەل رێكخروا خێرخوازى یا بارزانىوورکشۆپەکێ زانستی و مەشق و ڕاهێنانێ بۆ ژمارەکا ماموستايێن هەمی کۆلێژ و پەیمانگەهێن سەر ب زانکۆیێ ڤە ڕێکخست.

​ئەڤ وورکشۆپە ژ لایێ ڕاهێنەر میران ئەحمەد سەعید ڤە هاتە پێشکێشکرن، ب مەرەما بلندکرنا ئاستێ هوشیاریا ستافێ زانکۆیێ پێخەمەت وێ چەندێ پشکدارێن ئەڤێ وورک شۆپێ، ل پاشەڕۆژێ وەک ڕاهێنەر ڤان زانیارییان ب ڕێکا وورکشۆپان بۆ ماموستايين و قوتابیان ل سه رانسه رى زانکۆیێ پێشکێشکەن.

​تەوەرێن سەرەکی یێن وورکشۆپێ:

​د ڤێ چالاکییێ دا ب هووربینی بەحس ل چەندین خالێن گرنگ هاتە کرن، ژوان:

​پێناسا ماددێن هۆشبەر: ناساندنا جۆرێن ماددەیان و قۆناغێن گەهشتن ب ئالوودەبوونێ.

​هۆکار و کاریگەری: شرۆڤەکرنا هۆکارێن سەرەکی یێن پەنابرنا گەنجان بۆ ماددێن هۆشبەر و کاریگەریێن وان یێن نەرێنی ل سەر تاک، خێزان و جڤاکی.

​نیشانێن تووشبوونێ: چەوانیا ناسین و دیارکرنا نیشانێن کەسێن ئالوودەبووی.

​خۆپاراستن و چارەسەری: ڕێکێن زانستی بۆ پاراستنا گەنجان و چەوانیا هاریکاریکردنا کەسێن تووشبوو بۆ ڤەگەڕیان و چارەسەریێ.

​ل دووماهیا وورکشۆپێ، دەرگەهێ دانوستاندنێ بۆ پشکداران هاتە ڤەکرن و چەندین پرسیار و تێبینی ل دۆر بابەتێ ناڤبری هاتنە گۆتۆبێژکرن، ب مەرەما دارێژتنا پلانەکا کارا بۆ بەلاڤکرنا هوشیاریێ د ناڤ جڤاکێ ئەکادیمی دا.