هەواڵێن سەرەکی

زانکۆیا پۆلیتەکنیکی یا دهۆک (DPU) د ڕێزبەندیا زانستی یا AD Scientific Index بۆ سالا 2026، پلەیێن پێشەنگ ل سەر ئاستێ زانکۆیێن حکومی مسۆگەر کرن، وەک نیشانەیەکا دی یا پێشکەفتنا پێگەهێ ئەکادیمی، بەرهەمداریا ڤەکۆلینان و زێدەبوونا ناڤودەنگی یا زانکۆیێ د ئاستێ نێڤدەولەتی دا.

ل نووترین ئەنجامێن ڕێزبەندیا AD Scientific Index بۆ سالا 2026، زانکۆیا پۆلیتەکنیکی یا دهۆک شیایە ئەڤان پلەیان ب دەستڤە بینیت:

ڕێزا ئێکێ: ل سەر ئاستێ هەمی زانکۆیێن پارێزگەها دهۆکێ.

ڕێزا سێیێ: ل سەر ئاستێ هەمی زانکۆیێن حکومیێن هەرێما کوردستانێ.

ڕێزا 16: ل سەر ئاستێ هەمی زانکۆیێن عیراقێ.

گرنگیا ڕێزبەندیا AD Scientific Index و پێڤەرێن وێ

جوداهیا ڤێ ڕێزبەندیێ ژ ڕێزبەندیێن کلاسیکی یێن زانکۆیان ئەوەیە کو ئەو ڕێزبەندییە پشتبەستنێ ل سەر ئاڤاهیێن کەمپەسی، بودجە یان ڕاپرسیێن گشتی ناکەت؛ بەڵکو AD Scientific Index سیستەمەکێ نێڤدەولەتییە کو زانکۆیان ل سەر بنەمایێ بەرهەمێ ڤەکۆلەرێن وان و کاریگەریا وان یا زانستی هەلسەنگاندنێ بۆ دکەت.

پێڤەرێن هەلسەنگاندنێ

پێڤەرا هێزا زانستی:

ئەڤ سیستەمە هێزا زانستی یا گشتی، ژێدەرگرتن (Citations) و بەرهەمێ زانستی یێ زانایان و مامۆستایێن زانکۆیێ دپیڤیت.

پێڤەرێ: H-Index

ئەڤ پێڤەرە هەردوو لایەنێن بەرهەمداری و کوالیتیا ڤەکۆلینان هەلسەنگاندنێ بۆ دکەت. بۆ نموونە، ئەگەر زانایەک H-Index ـا وی 20 بیت، ئەڤە رامانا وێیە کو وی کێمترین 20 ڤەکۆلین هەینە کو هەر ئێک ژ وان کێمترین 20 جاران وەک ژێدەر هاتیە بکارئینان.

پێڤەرێ: i10-Inde

ئەڤ پێڤەرە هژمارا وان ڤەکۆلینان دیار دکەت کو کێمترین 10 جاران وەک ژێدەر هاتینە بکارئینان.

ژێدەرگرتن :(Citations)

و ڕەوتێ شەش سالان: ئەڤ پێڤەرە هژمارا جاران دژمێریت کو ڤەکۆلینێن زانکۆیێ وەک ژێدەر ژ لایێ زانایێن جیهانێ ڤە هاتینە بکارئینان، چ ل سەر ئاستێ هەمی ژیێ ڤەکۆلەرێ و چ د ماوێ شەش سالێن دەربازبووی دا، ب مەرەما دیارکرنا چالاکیا بەردەوام یا ڤەکۆلینان.