هەواڵێن سەرەکی

ژچارچوڤێ پرۆژێ SANAD یێ رێکخراوا DAAD Iraq یێ یا ئەلمانی، کو ب هەڤپشکی دگەل زانکۆیا پۆلیتەکنیکی یا دهۆک، زانکۆیا بۆن یا ئەلمانی، زانکۆیا ئەمریکی ل بەیروت و زانکۆیا ئەلمەنارە یا تونسی دهێتە بڕێڤەبرن، سمپۆزیۆما (AI in Medicine and Food Science) ل زانکۆیا بۆن ل وەلاتێ ئەلمانیا هاتە برێڤەبرن.

شاندێ زانکۆیا پۆلیتەکنیک دهۆکێ یێ پێک هاتی ژ (پ. هـ. د. نژدڤان عبدالجواد ککو) رێڤەبەرێ تەکنۆلۆژیا زانیاری و گۆڤارا زانستی، و هەردوو قوتابیێن خواندنا بلند (م. عمر محمد) و (م. زێرەڤان عارف) و رێکخەرا پرۆژەی (م. بارین هڤال) ژ رێڤەبەریا پەیوەندیێن نێڤدەولەتی، پشکداری دئەڤێ سمپۆزیۆمێ دا کرن یا ئەوا ژ رێککەڤتی ٩/١٢ هەتا ١٣/١٢ بەردەوامی ب کاروچالاکیێن وێ هاتیە دان.

ژلایەکێ دیڤە و هەر دئەڤێ سمپۆزیۆمێ دا، مامۆستایێن بسپۆرێن بوارێ ژیریا دەستکرد و زانستێن خوارنێ ل زانکۆیا بۆن، چەندین سیمینار بۆ ستافێ زانکۆیێن پشکدار پێشکێشکرن، و نوینەرێن زانکۆیا پۆلیتەکنیک دهۆک ژی ڤەکۆلینێن خۆ دبوارێن "ژیریا دەستکرد دپزیشکیێ دا" پێشکێشکرن.

لینکێ پرۆژێ SANAD