هەواڵێن سەرەکی

زانکۆیا پۆلیتەکنیک دهۆک د وەشانا سێ یێ یا رێزبەندییا ​(Arab Ranking) زانکۆیێن عەرەبی دا ل رێزا ئێکێ هات لسەر ئاستێ زانکۆیێن هەرێما کوردستانێ

​ئێکەتیا زانکۆیێن عەرەبی، ب رێکا نامەیەکا فەرمی، پیرۆزباهی ل سەرۆکاتیا زانکۆیا پۆلیتەکنیک دهۆک کر ب هەلکەفتا ب دەستڤەئینانا پێگەهەکێ بلند د رێزبەندییا زانکۆیێن عەرەبی دا بۆ سالا 2025ێ.

ل رۆژا دووشەمبی، رێکەفتی 22 کانونا ئێکێ 2025، ل دەمژمێر (1:00) پشتی نیڤرۆ، ب شێوەیەکێ فەرمی ئەنجامێن نوی یێن ئەڤێ رێزبەندییێ هاتنە ڕاگەهاندن.

​پیڤەر و ستانداردێن هەلسەنگاندنێ: وەشانا سێیێ یا ئەڤێ رێزبەندییێ، بەرفەرهترین هەڤرکی بخۆڤە گرتبوون، ب ئاوایەکێ کو 285 زانکۆیان لسەر ئاستێ وڵاتێن عەرەبی پشکداری تێدا کربوو.

ل دویڤ میتۆدۆلۆژیایەکا پێشکەفتی و ستانداردێن زانستی جیهانیێن سەردەم، بتنێ 235 زانکۆ ژ 19 دەوڵەتێن عەرەبی شیان د رێزبەندییێ دا بمینن. ئەڤ هەلسەنگاندنە ل سەر بنگەهێ چار تەوەرێن سەرەکی هاتیە ئەنجامدان:

• ​پرۆسەیا فێرکرن و خاندنێ.
• ​کوالیتییا ڤەکۆلینێن زانستی.
• ​داهێنان و کارسازی.
• ​کارتێکرنا جڤاکی و پەیوەندیێن نێڤدەولەتی.

لدور ئەڤێ چەندێ ئێکەتیا زانکۆیێن عەرەبی پەیامەک ئاراستەی زانکۆیێ کریە و ب ئەڤی شێوەی: زانکۆیا پۆلیتەکنیک دهۆک د لیستەیا زانکۆیێن رێزبەندکری دا، بەلگەیەکێ روونە ل سەر پابەندبوونا بەردەواما زانکۆیێ ب پێشڤەبرنا کارێ دەزگەهی و ب دەستڤەئینانا نایابییا ئەکادیمی (Academic Excellence)، کو ب ئاوایەکێ راستەوخۆ کار دکەتە سەر بلندکرنا ئاستێ خاندنا بلند ل دەڤەرێ.

​ل دویماهیێ، ئێکەتیا زانکۆیێن عەرەبی هەڤکاری و هەماهەنگییا خوە بۆ پشتەڤانییا زانکۆیا پۆلیتەکنیک دهۆک دووپات کر، ب مەبەستا بەردەوامیدان ب پڕۆژەیێن زانستی یێن پێکڤەیی و پشکداریکردن د خول و وەشانێن بهێت یێن رێزبەندییێ دا.

لینکێ رێزبەندیا زانکۆیێن عەرەبی