English
كوردى
عربي
ته‌كنولوجیا تاقیگه‌هێن نوژداری
ده‌ربارى پشكێ:
پشكا ته‌کنۆلۆجیا تاقیگه‌هێن نۆژدارى ئێك ژ پشكێن په‌یمانگه‌ها ته‌کنیکی یا زاخو، د سالێن 2006 ـدا هاتیه دامه‌زراندن. ئه‌و پرۆگرامێ پشك پێشكێشى قوتابییان دكه‌ت وی به‌رهه‌ڤ دكه‌ت كو د پاشه‌ڕۆژێدا ببیته كادره‌كێ ته‌کنیكى د بیاڤێ تاقیگه‌هێن نۆژداریدا و ب ئاوایه‌كێ پرۆفێشنال هاریكارییا نۆژدارێ تاقیگه‌هێ بكه‌ت: د بیاڤێ زانستا نه‌خۆشییان، و زانستا خوینێ، و زانستا بایۆكیمیایێ و سیرومناسییێ و زینده‌وه‌رزانییێدا.
به‌رپرساتییێن كادرێ ته‌كنیكى یێ تاقیگه‌هێ ئه‌ڤه‌نه:
- شڕۆڤه‌كرنا شله‌مه‌نییێن له‌شى
- سه‌خبێریكرنا ئامویره‌تێن تاقیگه‌هێ
- شرۆڤه‌كرنا ئه‌نجامێن پشكنینان.
- وه‌رگرتن و خڕڤه‌كرنا سامپلان ژ نه‌خۆشى.
كادرێ ته‌كنیكی یێ تاقیگه‌هێ پشكنینێن گشتى ئه‌نجام دده‌ت كو گرێدایی كارێ بانكا خوینێ، و نه‌خۆشییێن شانه‌ناسییێ، و كیمیایێ، و زانستا نه‌خۆشییان، و و سیرومناسى و زینده‌وه‌رزانییێنه. كادرێ ته‌كنیكی یێ تاقیگه‌هێ دشێت ل وان تاقیگه‌هان كار بكه‌ت یێن كو ل نه‌خۆشخانه‌یان و سه‌نته‌رێن ساخله‌مییێ و تاقیگه‌هێن لێڤه‌گه‌ر و پیشه‌سازییا بایۆلۆجى هه‌نه.
ئه‌و قوتابییێ هه‌ردو قۆناغان ب داوى دئینیت و ژ پشكێ ده‌ردچیت دێ باوه‌رنامه‌یا دپلۆمێ (هاریكارێ تاقیگه‌هێ) وه‌رگریت و دێ یێ به‌رهه‌ڤ بیت كو ل وان ده‌زگه‌هان كار بكه‌ت یێن كو سه‌ر ب وه‌زاره‌تا ساخله‌میییێ و وه‌زاره‌تا خواندنا بلند و ڤه‌كۆلینا زانستى و پشكێن نۆژداری یێن وه‌زاره‌تا به‌رگیرییێڤه‌نه.
دیتن:
پشکا تەکنولوجیا تاقیگەهێن نوژداری ل پەیمانگەها تەکنیکی زاخۆ یا هاتیە دامەزراندن ل ساڵا ٢٠٠٦ ێ. ئارمانجا ڤێ پشکێ بەرهەڤکرنا کارمەندێن تاقیگەهێ یێن شارەزایە ژبو خزمەتکرنا جڤاکی ددەستنیشانکرنا نەخوشیان دا بشێوەکێ درست. دەرچویێن ڤێ پشکێ ڕولەکێ بەرچاڤ دێ هەبیت ددابینکرنا چاڤدێریا ساخلەمیێ یا هەرەپێشکەفتی و هەروەسا شیانێن پەیوەندی و کارلێککرنەکا کاریگەر دێ هەبیت دگەل نەخوشان و نوژداران و کارمەندێن دیێن کەرتێ ساخلەمیێ.
ئارمانج
پێشکێشکرنا شیانێن بلند د وارێ ته‌کنیکێن تاقیگه‌هێدا ژ بۆ کارکرنا د تاقیگه‌هێن ته‌ندروستی، خۆپاراستن و ئاکادهیمی ل هه‌رێما کوردستانێ
پەیام
پەیاما ڤێ پشکێ دابینکرنا ژینگەهەکا گونجایە بو قوتابیان و ستافی ژبو فێرکرنا قوتابیان بشێوەکێ کاریگەر بابەتێن جوراوجور کۆ دگرێدای بن بدەستنیشانکرنا تاقیگەها نوژداری ڤە دبوارێ پشکا تەکنولوجیا تاقیگەهێن نوژداری دا، ئارمانج ژ ڤێ پشکێ دەرچونا تەکنیککارێن تاقیگەهێ یێن نایابە کۆ شارازایەکا پێدڤی و زانیاری و حەز هەبیت بو هندێ کۆ کارکەن ل کەرتێ ساخلەمیێ یێ گشتی و تایبەت. دگەل هندێ دا، ئارمانجا ژێ بهێزکرنا پەیوەندیەکا هاوبەشە دگەل نەخوشخانێن حکومی و نەخوشخانە و تاقیگەهێن تایبەت، و هاریکاریکرنا وان دپێشڤەبرنا دەستنیشانکرنا نەخوشیان دا بشێوەکێ باشتر.
ئه‌نجام
كاردرێن ته‌كنیكى یێن ژێهاتی کو دشێن د تاقیگه‌هێن ته‌ندورستیێ و ناڤه‌ندێن ده‌ستنیشانكرنێ، خۆپاراستنێ و ئاکادیمیکدا كار بكه‌ن.