کومبونا بلند یا ئێکەتیێن زانکویێن دەریا سپى ل ئیتالیا یا بەردەوامە


2019-12-12 12:03:33

لژێر دروشمێ (پێنگاف هاڤێتن ژ هەفکاریێ بو هەفگرتنێ) کومبونا بلند یا ئێکەتیا زانكويێن دەریا سپى (UNIMED) ل زانکویا (LINK CAMPUS UNIVERSITY) یا روما یا ئیتالى دێ بو دەمێ دوو روژا هەر ژ رێکەفتى ١٢ هەتا ١٣/١٢/٢٩١٩ یا بەردەوام بیت

ب مەرەما خرڤەکرنا گشت زانکویێن ئەندام یێن ئێکەتیا زانکویێن دەریا سپى (UNIMED) شاندێ زانکۆیا پۆلیتەکنیکى یا دهۆک ب سەروکاتیا ( پ. د. عدنان محسن عبدالعزیز) سەروکێ زانکۆیا پۆلیتەکنیکى یا دهۆک و (م. محمد عبدالقادر احمد ) رێڤەبەرێ رێڤەبەریا پەیوەندیێت نێڤدەولەتى ل سەروکاتیا زانکویێ پشکدارى د ئێکەم روینشتنا کومبونێ دا کر ئەوا ئەڤرو رێکەفتى ١٢/١٢/٢٠١٩ ل زانکویا(LINK CAMPUS UNIVERSITY) یا پایتەختێ وەلاتێ ئیتالیا روما هاتیە ئەنجامدان.

و هەر لسەر ڤێ چەندێ ب مەرەما موکمکرنا پەیوەندیان ( پ. د. عدنان محسن عبدالعزیز) سەروکێ زانکۆیا پۆلیتەکنیکى یا دهۆک ژلایێ (ڤینشیزو سکوتى) سەروکێ زانکویا (LINK CAMPUS) ڤە هاتە پێشوازیکرن .

دهێتە زانین / زانکویا پۆلیتەکنیکى یا دهۆک ئێک ژ زانکویێن گرنگ و چالاکە لسەر ئەنجامدانا کارو ژالاکیێن خو دگەل ئێکەتیا زانكويێن دەریا سپى (UNIMED) دا و ئەڤە بو دەمێ سێ سالە ئەندەمە دگەل ئێکەتیا نافهاتى و دهێتە چاڤەرێکرن ل دەمەکێ نێزیک زانکویا پۆلیتەکنیکى یا دهۆک دگەل ئێکەتیا زانكويێن دەریا سپى (UNIMED) چالاکیێن بەرفرەهتر دگەل ئێکەتیا ئوروپى ئەنجام بدەن .

© هەمی ماف دپاراستینە بو زانکۆیا پولیتەکنیک دهۆک