کولیژا تەکنیکى ئەندازیارى پیشانگەها دویێ یا پرۆژێن قوتابیان ڤەکر


2018-06-25 01:32:28

 

کولیژا تەکنیکى ئەندازیارى پیشانگەها دویێ یا پرۆژێن دەرچونێ یێن قوتابیان ڤەکر ل سەروکاتیا زانکویا پولیتەکنیکى یا دهوک، لژێر چاڤدێریا سەروکێ زانکویا پولیتەکنیکى یا دهۆک (پ.د. عدنان محسن عبدالعزیز) ل روژا دوشەمبى رێکەفتى ٢٥/٦/٢٠١٨ لدەمژمێر ١٠ سپێدێ.

لدور مەرەما ڤەکرنا ڤێ پیشانگەهێ د. ضیاء مستەفا سلێمان راگرێ کولیژا تەکنیکى ئەندازیارى و پەیمانگەها تەکنیکى دهوک دیار کر کو سالانە کولیژا وان پروژێن قوتابیێن قوناغا چارێ هەنە یێن بەشێ رێگا و بان، بەشێ تەکنیک و تەکلیف، و ئەڤە بو جارا دوێیە ئەڤ جورە پیشانگەهە دهێتە ڤەکرن.

د. ضیاء گۆتژى: ژبەرکو کولیژا مە یا تەکنیکیە و ئێک ژ پێدڤیێن دەرچونا قوتابى ئەوە پێدڤیە د ماوێ وان چار سالێت خواندنێ دا تشتەکێ پراکتیکى ئەنجام بدەت و ئەڤ تشتێ پراکتیکى دڤێت د خزمەتا جڤاکى دا بیت.

راگرێ کولیژا تەکنیکى ئەندازیارى ئەو چەندە ژى گۆت: ئەم ڤان قوتابیا بەرهەڤ دکەین داکو ڤان پروژا بکەنە یێن کەتوارى و پراکتیکى بکەڤنە د خزمەتا گەلێ مە دا و بیروکا زانکویا مە ئەوە کو ئەم مفاى ژ پاشماوا بکەین و ئەم بزاڤێ دکەین زانکویێ بێخینە د خزمەتا جڤاکى دا و قوتابیێ بەرهەمدار بهاڤێژینە د بازاریدا و خودان کار و پیشە بیت. 

© Copyright Duhok Polytechnic University (DPU) - All Rights Reserved

Website Admin: Sarbast Ali