دەربارە


پێشەكى:

كۆليژا تەكنيكى كارگێرى ل سالا 2013 ل باژارێ دهۆك يا هاتيە دامەزراندن وەك ئێك ژكۆليژێن كارگێريێن گرنك وتايبەت بفێركرنا تەكنيكى ل هەرێما كوردستانا عيراقێ بۆ پێراگەهشتنا ئەوان پێشكەفتنێن زانستى وتەكنولوجى يێن جيهانێ بخۆڤەديتين وئاراستێن نويێن زانستێ وئاليێن وێ يێن پراكتيكى هەروەسا بۆ تێگەهشتنا ئەوان پێشهاتێن دژينگەها كارى وگۆرەپانا كارگێرى ورێكخراوەيى دە روداين. كۆليژا تەكنيكى كارگێرى بوەزارەتا خواندنا بلند وڤەكۆلينێن زانستى يا هەرێما كوردستانێ ڤە گرێدايە، ماوێ خوادندنێ چار سالن، ودەرچۆيى پشتى بدوماهيكئينانا خواندنا خۆ ل ڤێ كۆليژێ دبيتە هەلگرێ باوەرناما بەكالۆريۆس دزانستێن كارگێريا تەكنيكى دە.

ديتنا كوليژێ:

كۆليژ بزاڤێ دكەت ببيتە كۆليژەكا تەكنيكى يا سەركێش وداهێنەر  برێكا بكارئينانا برۆگرامێن فێركرنى يێن كوايتەكا بەرز هەيى دا ل هەرێما كوردستانێ ببيتە پێشەنگ دڤى بياڤى دە.

پەياما كۆليژێ:

پێكێشكرنا خواندنەكا تەكنيكى يا ئاست بەرز برێكا بكارئينانا تەكنيكێن سەردەميانە دپرۆسا خواندنێ وفێركرنێ دە وئامادەكرنا كادرەكى ئەكاديمى وخودان شيان بۆ خزمەتكرنا جڤاكى ودابينكرنا پێتڤيێن بازارێ كارى ل هەرێما كوردستانا عيراقێ.

ئارمانجێن كۆليژێ:

  •          ئامادەكرنا ميلاكاتێن بەرهەڤكرى ژئاليێ زانستى وتەكنيكى ڤە بۆ سەرەدەريكرنێ دكەل تەكنيكێن سەردەمى وپێشڤەچۆنێن زانستى وتەكنولوجى ولايەنێن جێبەجێكرنێ وپراكتيكى.
  •          پشكداريكرن دخولێن پێگەهاندنێ وپسپۆريى بۆ دابينكرنا پێتڤيێن هەريمێ ژ شارەزاهيان.
  •          ئامادەكرنا قوتابيان بۆ گۆرەپانا پيشەيى وتەكنيكى وخۆگونجاندنێ دگەلدا.
  •          خۆگەهاندن بپيڤەرێن نێڤدەولەتى دوارێ فێركرنا تەكنيكى دە.
  •          بەشداريكرن دئەوان خواندن وڤەكۆلينێن زانستى دە يێن پشكدار دبەرجەستەكرنا پێشكەفتنا ئابوورى وجڤاكى دە وروبروبونا ئاريشێن دكەڤنە درێكا پيشكەفتنا ئەڤان كەرتا ل هەرێمێ.
  •          پيشڤەبرنا ڤەكۆلينا زانستى وپستەڤانيكرنا پەيوەنديان دگەل رێكخراوێن جوداجودا يێن كارى ل هەرێمى ودەرڤە.
  •          دورستكرنا كەسايەتيا قوتابيێ ئەكاديمى وگەشەپێدانا وێ.
  •          بكارئينانا تەكنيكێن زانياريان وەك كەرەستەكا كارگێرى يا گرنگ بۆ دانانا ستراتيجياتێن گونجاى دبياڤێ كارگێرى دە.
  •          پێشكێشكرنا خزمەتێن راوێژكارى وڤەكۆلينا وپرۆگرامێن راهێنانێ يێن جێواز.

ژبەهايێن سەرەكيێن كۆليژێ:

  •          مامۆستايێ زانكۆيێ خودان بەهايەكى بلندە وسامانەكە ژسامانێن زانينێ ل سەر ئاستێ نافخۆيى.
  •          قوتابى تەوەرێ پرۆسا خواندنێ يە.
  •          ڤەكۆلينا زانستى ستوينەكا ژ ستوينين پێشكەفتنێ.
  •          رێزگرتن ل دابونەريتێن زانكۆيى.
  •          پێگيريكرن بكواليتيا هەرەباش.
  •          پێشكەفتن تشتەكى هەر هەيى وبەردەوامە.
  •          راسترۆيى ودەستپاكى دكارێ زانستى وپەروەردەيى دە.

 

© Copyright Duhok Polytechnic University (DPU) - All Rights Reserved

Website Admin: Sarbast Ali