شاندێ زانکۆیێ پشکداری د ئێکەمین خولا ڕاهێنانێن تایبەت ب پێدڤیاتیێن بازارێ کاری دا کر
شاندێ زانکۆیێ پشکداری د ئێکەمین خولا ڕاهێنانێن تایبەت ب پێدڤیاتیێن بازارێ کاری دا کر
ل رێکەفتی (14/3/2023) ب ئامادەبوونا شیرەتکار و ڕێڤەبەرێن گشتێن وەزارەتا خواندنا بلند و ڤەکۆلینێن زانستی و ب پشکداریا (70) ماموستایێن زانکۆیێن هەرێما کوردستانێ، ئێکەمین خولا ڕاهێنانێن تایبەت ب ڤەکۆلین ل پێدڤیاتیێن بازارێ کاری و گونجاندن دگەل ناڤەرۆکا پرۆگرامێن خواندنێ دەستپێکر و دێ بۆ دوو روژان یا بەردەوام بوو.
ب مەرەما دروستکرنا کەلتورەکێ نویی بۆ پێشڤەبرنا پرۆگرامێن خواندنێ یێن باشترکرنا بازارێ کاری، وەزارەتا خواندنا بلند و ڤەکولینێن زانستی ب هەفکاریا ڕێکخراوا (IREX) ئێکەمین خولا ڕاهێنانێن تایبەت ب پێدڤیاتیێن بازارێ کاری د دەمێ دوو روژان دا بۆ (70) ماموستایێن زانکۆیان برێڤەبر شاندێ زانکۆیا پۆلیتەکنیکی یا دهۆک یێ پێک هاتی بوو ژ(د. عبدالحکیم عثمان) راگرێ کولیژ و پەیمانگەها تەکنیکی زاخۆ، (م. بێوار سلێمان ) رێڤەبەرێ سەنتەرێ گەشەپێدانا کاری و(م. ژیمان محمد توفیق ) و(م. فاطمة نواف) وئەندازیار (نزار محمود)پشکداری دئەڤێ خولێ دا کر، ئەوا بشێوێ کرداری ژلایێ پسپورێن نێڤدەولەتی ڤە و ل سەر بناغەیێ زانستی دهێنە ڕاهێناندان.