دوو خولێن نویێن سەنتەرێ پێداگوچی دەستپێکڕن

سەنتەرێ پێداگوچی ڕێو ڕەسمێن دەستپێکرنا خولا سێ یێ و چوارێ بۆ 66 هەلگرێن باوەرناما ماستەر و دکتورایێ گێران

ل ژێر چاڤدێریا (پ. د. ئارى عادل ) سەرۆکا زانکۆیا پۆلیتەکنیکى یا دهۆک و ب ئامادەبونا (پ.هـ. د. صلاح عبدال) هاریکارێ سەرۆکا زانکۆیێ بۆ کاروبارێن کارگێری و داریی و ماموستا(حنان عبدالرحمن طاهر) رێڤەبەرا سەنتەرێ پێداگوچى، ئەڤرو روژا دوشەمبی ڕێککەفتی 3/6/2023 ل دەمژمێر 4:00 ئێڤاری رێورەسمێن گەرا سێ یێ و چوارێ ژ خولا پێداگوچى ل هۆڵا سمیناران یا سەرۆکاتیا زانكۆيێ هاتە ئەنجامدان.

ل دەسپێکێ (پ.هـ. د. صلاح عبدال) هاریکارێ سەرۆکا زانکۆیێ بۆ کاروبارێن کارگێری و داریی پەیڤەک پێشکێشی ئامادەبویان کر و سۆپاسیا وەزارەتا خواندنا بلند کر و رولێ وەزارەتێ بلند نرخاند، پاشان پەیڤا سەنتەری ژلایێ ماموستا (حنان عبدالرحمن طاهر) رێڤەبەرا سەنتەرێ پێداگوچى ل زانکۆیێ هاتە پێشکێشکرن و رێنما و راسپاردێن خولا پێداگوچی دانە دیارکرن.