پێدڤیا هه‌بوونا كوردان ب ڕاگه‌هاندنه‌كا نشتيمانى د سميناره‌كێ دا هاته بەحسکرن
ل ژێر چاڤدێريا (د. عبدالحكيم عثمان محمد ) راگرێ كۆليژ و په‌يمانگه‌ها ته‌كنيكى زاخۆ، ئەڤرۆ ١ی ئاداری ٢٠٢٣ـێ،ڕاگەھاندنا پەیمانگەهێ رابوون ب رێكخستنا سميناره‌كێ بۆ ماموستا و فه‌رمانبه‌ر و قوتابيێن كۆليژ و په‌يمانگه‌ها ته‌کنیکی زاخۆ.
د سمینارێ دا (م. عبید صبحی رەشاڤەیی)رێڤەبەرێ نڤیسینێ ل گاڤ تیڤی، بەحسا(ڕاگە‌هاندنا كوردى و پێدڤیا هه‌بوونا كوردان ب ڕاگه‌هاندنه‌كا نشتيمانى) بۆ ماموستا و فه‌رمانبه‌ر و قوتابيێن كۆليژ و په‌يمانگه‌ها ته‌كنيكى زاخۆ کر، سمینار ل ھۆلا کونفرانسا پەیمانگەھێ برێڤەچوو.
رۆژنامەڤان و مامۆستا عوبەید رەشاڤەیی بەحسا قوناغێن پشتی سەرهلدانێ و گەشەیا تەلەفزیۆنێن لۆکالی و ئەسمانی کر، پاشی بەحسا حزبیبوونا میدیا کوردی کر کو کاریگەریەکا خراب لسەر جڤاکی و پرت و بەلاڤیێ دکەت، و ئاماژە دا وێ خالێ کو گرنگە کوردان ڕاگەھاندنەکا نیشتیمانی هەبیت داکو وەلات و حەژێکرنا پیرۆزیێن نشتیمانی لسەر هەمی بەرژەوەندیان بن و رەنگڤەدانا وێ ژی دیاربیت.
دوماھیێ ده‌ستخۆشى و رێز و سۆپاسى ڤه ژ لایێ راگرێ كۆليژ و په‌يمانگه‌هێ ل رۆژنامەڤانی کر.
عيشا عجيب عمر
ڕاگەھاندنا پەیمانگەھا تەکنیکی زاخۆ