رۆژا جل و به‌رگێن كوردى ل په‌یمانگه‌ها ئامێدیێ هاته ساخكرن
ئه‌ڤرو رۆژا پێنچ شه‌مبى رێكه‌فتى 9-3-2023، ل په‌یمانگه‌ها ته‌كنیكى ئامێدیێ رۆژا جل و به‌رگێن كوردى ب چه‌ند چالاكيه‌كان به‌رز و پيروز هاته راگرتن و ساخكرن.
بڤێ هه‌لكه‌فتێ پێشانگه‌هه‌كا وێنه‌يان و كارێن ده‌ستى ژ لايێ (پ.هـ.د.هه‌كار زه‌كى) راگرێ په‌یمانگه‌ها ته‌كنیكى يا ئامێدیێ ڤه هاته ڤه‌كرن، كو ژ لايێ قوتابيێن پشكا ته‌كنولوجيا زانياريان ڤه هاتبوو ئاماده‌كرن، هه‌روه‌سا ماموستا و فه‌رمانبه‌ر و قوتابیێن په‌یمانگه‌هێ ب لبه‌ركرنا جلو به‌رگێن كوردى، ب كه‌يف خوشى و گرتنا وێنه‌يان و گێرنا ئاهه‌نگ و ديلانان ئه‌ڤ روژه به‌رز و پيروز راگرت و ساخكر.
هه‌ژى گوتنێ يه كو سالانه روژا جل و به‌رگێن كوردى ژ لايێ وه‌لاتى و داموده‌زگه‌هێن حكومى و حزبى يێن هه‌رێما كوردستانێ ڤه ب لبه‌ركرنا جلێن كوردى دهێته ساخكرن و پيروزكرن، روژا 10-3 ژ لايێ په‌رله‌مانێ كوردستانێ ڤه وه‌ك روژا جل و به‌رگێن كوردى هاتيه دياركرن و سالانه‌ژى خه‌لكێ هه‌رێمێ ڤێ روژێ به‌رز و پيروز رادگرن.
قه‌تران محمد صالح
به‌رپرسێ راگه‌هاندنا په‌يمانگه‌هێ