سێیەم کۆنفرانسێ نێڤدەوڵەتى یێ تەکنەلۆجیا پزیشکى و بایۆلۆجى هاتە برێڤەبرن
سێیەم کۆنفرانسێ نێڤدەوڵەتى یێ تەکنەلۆجیا پزیشکى و بایۆلۆجى هاتە برێڤەبرن
ل ژێر چاڤدێری و ئامادەبوونا وەزیرێ خواندنا بلند و ڤەکولینێن زانستى، سێیەم کۆنفرانسێ نێڤدەوڵەتى یێ تەکنەلۆجیا پزیشکى و بایۆلۆجى ل کولیژ و پەیمانگەها تەکنیکى کارگێرى دهۆک هاتە برێڤەبرن
ئەڤرو روژا چوارشەمبى ڕێکەفتى (2023/3/8) زانکۆیا پۆلیتەکنیکی یا دهۆک و زانکۆیا تەکنیکى یا فوراتا ناڤەراست سێیەمین کۆنفرانسێ نێڤدەوڵەتى یێ تەکنەلۆجیا پزیشکى و بایۆلۆجى ب ئامادەربوونا د. ئارام محمد قادر وەزیرێ خواندنا بلند و ڤەکولینێن زانستى و هژمارەکا رێڤەبەر و بەرپرسێن دام و دەزگەهێن حکومى و حزیى ل هولا کوردستان ئەنجام دا، دئەڤێ کونفرانسى دا دکتور ئارام محەمەد قادر وەزیرێ خواندنا بلند و ڤەکولینێن زانستى ڕاگەهاند: هەمى زانکۆ پێکڤە هەماهەنگیێ بکەن بۆ دانانا ڕێکێن زانستیێن گونجاى بۆ پاراستنا ئیتیک و ئاکار و کواڵیتیا ڤەکولینان، و یا گرنگە ڤەکولەرێن مە خۆ ژ کارێن نائیتیکی پارێزن ئەوێن زیانێ ب نەزاهیا ئەکادیمی یا وەلاتێ مە دگەهینن، و هەروەسا گوت ژى پێدڤیە ئەم ڤەکولینێن زانستی بکەینە ناسناما ئەکادیمی یا وەلاتێ خۆ.
ژلایێ خوڤە پ. د. ئارى عادل سەرۆکا زانکۆیا پۆلیتەکنیکى یا دهۆک د پەیڤەکێدا تەکەزى ل سەر کارێ گرنگێ کۆنفرانسى کر ئەوێ ب مەرەما هەماهەنگى و کارێ هەفشکێ ڤەکولینان دنافبەران زانکۆیێن هەرێمێ و ناوچێن دی یێن عێراقێ و زێدەتر گرنگیێ ب ڤەکولینێن هەفپشک بدەن دهەمى بوارێن دى دا و ئاماژە ب وێ چەندێ ژى کر کو ژ سەرجەمێ 208 ڤەکولینێن هاتینە پێشکێشکرن 116ڤەکولینێن زانستى یێن وەلاتێن ( تركيا ، إيران، روسيا، مصر، الهند والسويد) ژلایێ لیژنا زانستى یا کونفرانسى ڤە هاتینە پەسەندکرن و وەرکرتن و دێ هێنە پێشکێشکرن.
ژلایێ خوڤە (د. مُظَفْر صَادِق الزُهَيْري ) سەرۆکێ زانکۆیا تەکنیکى یا فوراتا ناڤەراست سوپاس و دەستخۆشى لە وەزارەتا خواندنا بلند و ڤەکولینێن زانستى یا هەرێمێ و زانکۆیا پۆلیتەکنیکى یا دهۆک کر بۆ ڕێکخستنا کۆنفرانسى گوت: ئەڤ کۆنفرانسە دەرفەتەکا گرنگە بۆ کۆمکرنا ڤەکولەران و دیارکرنا ڤەکولینێن هەفپشک ب وى شێوەى کو خزمەتەکا باش و جودا بکەت.