رویدان

ژبو جوانى و پاقژراگرتنا ئاڤاهیێ په‌یمانگه‌هێ و زانينگه‌ها قوبه‌هان، دوو هه‌وێن پاقژكرنێ ل ئاڤاهی و باخچه‌یێن په‌یمانگه‌ها ته‌كنیكى یا ئامێدیێ و ل زانينگه‌ها قوبه‌هان ل ئامێديێ هاتنه‌ كرن.

ئەڤرو روژا چارشه‌مبى رێکەفتی 8/3/2023 هوبا ته‌ندروستى و سلامه‌تيێ ل په‌يمانگه‌هێ ب به‌شداربوونا پ.هـ.د.هكار زكى راگرێ په‌يمانگه‌هێ و هاريكارێ راگرى و ژماره‌يه‌ك ژ ماموستا و فه‌رمانبه‌ر و قوتابیێن پەیمانگەها تەکنیکی یا ئامێدیێ ھەوەکا پاقژکرنێ دناڤ ئاڤاھی و شوسته‌ و باخچه‌يێن پەیمانگەھێ دا ده‌ستپێكر.

مه‌ره‌م ژ ڤێ هه‌وێ ئه‌وبوو سیما و ژينگه‌ها په‌یمانگه‌هێ ب پاقژ و جوان بهێته‌ نیشاندان و ژینگه‌ها كوردستانێ بهێته‌ پاراستن و هه‌رده‌م پاقژ و جوان بمينيت.

هه‌روه‌سا قوتابيێن پشكا كارگێرى گه‌شتيارى ل په‌يمانگه‌هێ هه‌وه‌كا پاقژكرنێ ل زانينگه‌ها قوبه‌هان ل ئامێديێ ده‌ستپێكر، مه‌ره‌م ژڤێ هه‌وێ ژى ئه‌وبوو كو ژينگه‌ها كوردستانێ و زانينگه‌ها قوبه‌هان بهێته‌ پاقژكرن و سيما و جهێ وێ يێ ديروكى كو هه‌م جهه‌كێ شينواريه‌ هه‌مژى گه‌شتيار سه‌ره‌دانا وێ دكه‌ن بهێته‌ پاقژكرن و ژينگه‌ها كوردستانێ بهێته‌ پاراستن.

قه‌تران محمد صالح

به‌رپرسێ راگەهاندنا پەیمانگەهێ