قوتابیێن په‌يمانگه‌هێ ديارى پێشكێشى زاروكێن باخچێ ئامێديێ كرن
قوتابیێن پشكا ته‌كنولوجيا تاقيگه‌هێن نوژدارى سه‌ره‌دانا باخچێ زاروكان ل ئامێديێ دا و رێنمايێن ته‌ندروستى و پاقژراگرتن و چاوانيا رێزگرتنێ بو گوتن و ديارى پێشكێشى وان كرن
ئه‌ڤرو روژا چارشه‌مبى رێكه‌فتى 8/3/2023 هوبا ته‌ندروستى و سلامه‌تیێ ل په‌یمانگه‌ها ته‌كنیكى یا ئامێدیێ دگه‌ل ماموستا بنار امین هاریكارێ راگرێ په‌یمانگه‌هێ و قوتابیێن پشكا ته‌كنولوجیا تاقیگه‌هێن نوژدارى قوناغا دویێ سه‌ره‌دانا باخچێ زاروكان ل ئامێدیێ كر و ژ لایێ رێڤه‌به‌را باخچه‌ى ماموستا (هه‌لات صالح مصطفی) ڤه هاتنه پێشوازیكرن.
دڤێ سه‌ره‌دانێ دا قوتابیێن په‌یمانگه‌هێ رێنمایێن ته‌ندروستى و چاوانيا خوپاراستنا ژ نه‌خوشیان و پاقژراگرتن و چاوانيا رێزگرتنێ بو زاروكێن باخچه‌ى گوتن و شروڤه‌كرن، پاشان ديارى پێشكێشى زاروكێن باخچه‌ى كرن.
قه‌تران محمد صالح
به‌رپرسێ راگه‌هاندنا په‌یمانگه‌هێ