یادا ١٢٠ سالیا روژنانەگەریا کوردی ب فیستەڤالەکا روژنه‌مه‌ڤانی هاتە ساخ کرن


ل کولیژ و پەیمانگەها تەکنیکی کارگێری ــ دهۆک یادا ١٢٠ سالیا روژنانەگەریا کوردی ب فیستەڤالەکا روژنه‌مه‌ڤانی هاتە ساخ کرن ب به‌رهه‌ڤبوونا هاریکارێ سەروکێ زانکۆیا پۆلیتەکنیکی یا دهۆک بەرێز «د.رەجەب ابراهیم» و قایمقامێ‌ قه‌زا دهوكێ به‌رێز «جوهه‌ر علی» و مێهڤانێت حکومی و حزبی و پشكداریا کومەکا میدیا و راگەهاندکارێن دەڤەرێ، هەشتەمین فیستەڤالا هەردوو پشکێن روژنانەڤانی ئەلکترونی و روژنەڤانێ ل ئاڤاهیێ کولیژ و پەیمانگەها تەکنیکی کارگێری هاتە ئەنجام دان. ل سپێدەهیا روژا ئێک شەمبی ٢٢ـ٤ــ٢٠١٨ ل هولا سێمینارا ب پێشکێشکرنا پەیڤا خێرهاتن ژ لایێ راگرێ کولیژ و پەیمانگەهێ به‌رێز «پ.د خه‌یری علی ئوسو» و پەیڤا سەروکا پشکا روژنامەڤانی ئەلکترونی مامومستا «بیان محمد طاهر» ل دوور گرنگی و پتر پویتە دان ب روژنامەگەریا ئاکادێمی یا كوردی و ئازادیا روژنامه‌ڤانان، فیستەڤال دەست پێکر. پێشکێشکرنا چەندین راپورت و داكیومێنتاری و وێنەیێن روژنامەڤانی و ریکلام و پروژەیێن قوتابیان و کاریکاتێر و چه‌ندین برگه‌ێین هونه‌ری و كه‌لتوری ژ به‌رنامه‌یێن سەرەکی ل ڤێ چالاكیێ بوون. ل داویێ ژ لایێ لژنا بلندا فیسته‌ڤالێ باشترین ریكلام و وێنه‌ و راپورت و داكیومێنتاری هاتنه‌ خه‌لات كرن.

© Copyright Duhok Polytechnic University (DPU) - All Rights Reserved

Website Admin: Sarbast Ali