ب كوژمێ 1,899,071,925 دیناران بەرێ بنیاتی بۆ پروژەكێ هاتە دانان
ب كوژمێ 1,899,071,925 دیناران بەرێ بنیاتی بۆ پروژەكێ هاتە دانان
ئەڤرۆ ٢ی ئادارێ ٢٠٢٣ـێ، ب چاڤدێری (پ. د. ئاری عادل عبدالقادر) سەرۆکا زانکۆیا پۆلیتەکنیکی یا دھۆك و ب ئامادەبوونا (د. عبدالحکیم عثمان محمد)راگرێ کۆلیژ و پەیمانگەھا تەکنیکی زاخۆ و ژمارەکا ئەندامێن جڤاتا زانکۆیا پۆلیتەکنیکی یا دھۆک بەرێ بنیاتی بۆ دوو ئاڤاهیێن لابور و هولێن خاندنێ هاتنە دانان.
د رێورەسمێن دانانا بەرێ بنیاتی دا سەرۆکا زانکۆیێ ئاماژە ب پلانا ئەندازە و پروژەیێن زانکۆیێ دا و دروست و نوژەنکرنا ئاڤاهیێن خواندنێ ل هەمی کولیژ و پەیمانگەهێن تەکنیکی گرنک نرخاند، و دیڤدا بەری بنیاتی یێ هەر دوو ئاڤاھیان دەینات وئاماژە ب وێ چەندێ ژی کر کو ھەر ئاڤاھیەك ژ سێ نھوومان پێك ھاتیە وھەر ئاڤاھیەك دێ 14 ھولێن خواندنێ دگەل 24 ژوورێن ماموستایان بخۆ ڤە گریت، و سەرجەمێ گشتی دێ بنە 28 ھولێن خواندنێ و 48 ژوورێن ستافێ
ئەکادیمی. پ. د. ئاری عادل گۆت ژی ئەڤ پرۆژە دێ ل سەر بودجەیا وەبەرھێنانێ یا حکومەتا ھەرێما کوردستانێ ھێتە ئەنجامدان، ئەڤ پرۆژە دێ بۆ دەمێ 420 روژان ڤەکێشیت و ب کوژمێ 1,899,071,925 ملیارەک و هەشتێ سەد و نوت و نەهـ ملیون دینار و حەفتێ و ئێک هزار و نەهـ سەد و بیست و پێنچ دیناران ھێتە جیبەجیکرن.
زێدەتر گۆت ژی ئەڤ پرۆژە ژلایێ کومپانیا کریستال ڤە و لژێر چاڤدێریا رێڤەبەریا ئەندازیاری و پرۆژەیان یا ب سەر زانکۆیا پۆلیتەکنیکی دھۆک ڤە دھێتە جێبەجێکرن.
ل دوماھیێ زێدەباری دەستخوشیێ سەرۆکا زانکۆیێ تەکەزی ل سەر ئەوێ چەندێ کڕ کو ئەڤ پروژە دەمێ خۆ یێ دەستنیشانکری دەرباز نەکەت و هۆلێن خواندنێ بکەڤنە د خزمەتکرنا قوتابیێن سنورێ ئیدارا سەربەخۆیا زاخۆ دا.