پێشانگه‌هه‌كا خارنێن كوردى ل په‌يمانگه‌هێ هاته ڤه‌كرن
2023-02-22 12:30:32
ئه‌ڤرو روژا چارشه‌مبى رێكه‌فتى 22/2/2023 ب ئاماده‌بوونا پ.هـ.د.هكار زكى راگرێ په‌يمانگه‌هێ و ماموستا و فه‌رمانبه‌ر و قوتابيێن په‌يمانگه‌هێ و نونه‌رێن ئێكه‌تيا قوتابيێن كوردستانێ لقا ئامێديێ، پێشانگه‌هه‌كا خارنێن كوردى ل هولا كافيتريا په‌يمانگه‌ها ته‌كنيكى يا ئامێديێ هاته ڤه‌كرن.
ئه‌ڤ پێشانگه‌هه ب هه‌لكه‌فتا 18 شوباتێ سالروژا دامه‌زراندنا ئێكه‌تيا قوتابيێن كوردستانێ، ژ لايێ قوتابيێن په‌يمانگه‌هێ ڤه هاته رێكخستن و ڤه‌كرن، كو تێدا چه‌ندين جور و خارنێن كوردى ژ لايێ قوتابيان ڤه هاتبوونه چێكرن، هه‌روه‌سا چه‌ندين شرينى و خارنێن هشككرى يێن كوردى هاتبوونه ئاماده‌كرن و نيشاندان.
راگه‌هاندنا په‌يمانگه‌هێ