رويدان

بەشدارى دیدارا روژا زمانێ دایکێ دبیت بهەلکەفتا روژا جیهانى یا زمانێ دایکێ ئێکەتیا نڤیسەرێن کورد تایى دهوک و رێڤەبەریا گشتى یا رەوشەنبیرى و(وەقفا مەزوبوتامیا) لباکور وزانکویین نەوروز و جیهان لدهوکێ دیدارەکا رەوشەنبیرى ژبو ساخکرنا ڤێ روژێ بناڤێ (روژا زمانێ کوردى) لهولێن زانکویا نەوروز و ئێکەتیا نڤیسەران سازکرن . دڤێ دیدارێ دا کو (8) پەنەلست ژچەند سازى و زانکویێن جودا بەشدارببون ماموستا (بەرەڤان خورشید) ژزانکویا پولیتەکنیک یا دهوک بەشدارببو و ڤەکولینەک لبن ناڤێ (ئەتلەسا زمانێ کوردى) پێشکێش کر وتێدا چەند زاراڤ ودەڤوک و شێوەزارێن زمانێ کوردى و دابەش بونا وان لسەرئاخا کوردستانێ و دەردوران ب داتا ونەخشەڤە رون و زەلال کرن. ژهەژیە بێژین کوماموستا بەرڤان ماموستایێ هاریکارە دوارێ یاسایا گشتى دا ل پەیمانگەها تەکنیکى دهوک و وشارەزییەکا باش د جوگرافیا کوردستانێ و زمان و ئەدەبیاتا کوردى لهەرچوار پارچێن کوردستانێ هەیە.