کومبۆنا جڤاتا زانکویێ ل په‌يمانگه‌ها ئامێديێ هاتە ئەنجام دان
ئەڤرو روژا سێ شەمبى رێککەفتى 14/2/2023 سەرۆکا زانکۆیا پۆلیتەکنیکى یا دهۆکێ و ئه‌ندامێن جڤاتا زانكويێ سه‌ره‌دانا په‌يمانگه‌ها ته‌كنيكى يا ئامێديێ كر و ژ لايێ پ.هـ.د.هكار زكى راگرێ په‌يمانگه‌هێ ڤه هاتنه پێشوازيكرن و بخێرهاتنه‌كا گه‌رم ل سه‌روك و ئه‌ندامێن جڤاتێ كر.
و ل دەمژمێر (11) سپێدێ،كومبوونا جڤاتا زانكويێ ب سەرپەرشتیا (پ. د. ئارى عادل) سەرۆکا زانکۆیا پۆلیتەکنیکى یا دهۆکێ و ئاماده‌بوونا هاريکارێن سەرۆکا زانکۆیێ و هەمى ئەندامێن جڤاتێ، روینشتنا چارێ یا کومبونا ئاسایى یا جڤاتا زانکویێ بۆ سالا خواندنێ ٢٠٢٢-٢٠٢٣ ل هولا کومبۆنا یا په‌يمانگه‌ها ته‌كنيكى يا ئامێديێ هاتە برێڤەبرن.
د كومبوونێ دا گەنگەشە ل سەر شه‌ش ته‌وه‌رێن گرنگ ھاتە کرن، د تەوەرێ ئێکێ دا گەنگەشە ل دوور کاروبارێن قوتابيان هاتە کرن، د تەوەرێ دووێ دا کاروبارێن زانستى و خواندنا بلند هاتنە گەنگەشەکرن، پاشان پله به‌رزكرنا زانستى يا ماموستايان د تەوەرێ سێ یێ دا هاتە بەحسکرن، د ته‌وه‌رێ چارێ دا کاروبارێن دلنیایی جورى گەنگەشە ل سەر هاتە کرن، هه‌روه‌سا د ته‌وه‌رێ پێنجێ دا چه‌ند پێشنياره‌ك هاتنه به‌حسكرن ل دوور كونفرانسێ زانستى يێ ڤه‌كولينێن قوتابيان، ل دوماهيێ ژى گه‌نگه‌شه ل سه‌ر پێشنيارێن تومارا گشتى هاته كرن.
راگه‌هاندنا پ.ت.ئامێديێ